قعدة تراس خضرا وأرغيلة ولا أطيب…مطعم جديد بالحمرا!
عرفتوا شو ناطركن بالحمرا؟ مطعم عالأول الجديد عم يثبت يوم بعد يوم إنو صار من أحلى الوجهات الجديدة بقلب بيروت لعشّاق الأكل الطيب، القعدة المريحة، والأرغيلة اللي عنجد بتنحب.
تراس وجنينة بتنغرموا فيهن!
إذا كنتوا عم تدوروا على مطعم عندو هيدي العجقة والخفقة الحلوة، عالأول صار مقصدكن لكل لمّة وِنسة ببيروت. أول ما توصلوا، رح ياخدكن الديكور ع التراس الواسع! أما قعدة الجنينة جوا، مليانة خضار وشجر، وبتعطيكن إحساس بالراحة بعيد عن ضجة الحمرا.
القعدة واسعة وبتناسب كل شي: من ترويقة رايقة، لغدا شغل، لعشا مع العيلة، أو سهرة حماسية مع الأصحاب لتحضروا ماتش فوتبول بأجواء ولا أروع.
سفرة مفروشة من الميل للميل!
أما المنيو…شي تاني! إن كان عبالكن لقمة ع السريع أو عزيمة محترمة، عالأول هو خياركن الأول!
عندو تشكيلة متنوعة بتناسب حتى يلي بينقّ ع الأكل. من الأطباق اللبنانية يلي منحبها، السناكات والسندويشات الدسمة، البرغر والكرسبي المقرمش، عدا عن الأطباق العالمية المعمولة بكل شطارة. مطعم لقمتو طيبة، سفرتو كريمة، وصحنو كتير مغنّج.
قهوة وأرغيلة ولا أطيب!
ولعشاق القهوة، عالأول بيقدم خلطة إسبريسو خاصة من أجود الأنواع، مية بالمية أرابيكا، بطعم غني ومميز. غير المشروبات من عصير، سموثي، ميلك شيك غني، ليكون مقصدكن لترتاحوا بعد الشغل أو تلتقوا مع رفقاتكن ع فنجان قهوة.
والأرغيلة عندن قصة! نكهات متنوعة، جودة عالية، وتجربة بتخلّي الوقت يمرق وإنتو مش حاسّين. وفوق هيدا كله، في فكرة “حبس التلفون” المهضومة، لتعيشوا اللحظة عنجد وتقرّبوا المسافات بين بعض بلا تلفون.
وللزباين الدائمين، في Loyalty Card مميزة: كل 9 ختوم، أرغيلة ببلاش!
إذا بدكن أكل طيب، قعدة مريحة، أجواء حلوة، وأرغيلة على مستوى، عالأول هو خياركن الأول.
بتلاقوه بشارع المقدسي – الحمرا، اكبسوا هون للموقع بالتحديد وين. التواصل ع الرقم: 709 710 78. وما تنسوا تابعوهن ع انستغرام هون.
