٢٦ شغلة بتعملها كل عيلة لبنانية بس تروح على البحر

أحلى شي مشوار البحر مع العيلة، مين فينا لو قد ما كبر في ينسى هل إيام؟

١. أكيد إنتو ورايحين على البحر بدكن تعبوا بانزين أول شي…ولحقوا على بكى من ورى الأسعار

٢. العلقة بعجقة السير وقت تكونوا رايحين ما بتقطع.

٣. بتولعوها أغاني وائل كفوري بالسيارة.

٤. الولاد عطول بياخدوا معن رفش ليلعبوا على الرملات.

٥. أول ما توصلوا بتبلش إمكن تطلس وجها sunscreen لما يحترق وبصير متل صحن اللبنة.

٦. وأكيد بتعمل نفس شي بولادها، مش بس بتلطس وجن، بتطلسن من فوق لتحت.

٧َ. ما حدا برد على التلفون.

٨. عطول في منافسة مين المايو تبعو أحلى.

٩. الإم بتكون عارفي ممنوع تفوّت أكل بس عطول بتتذاكى وبتزمط تشيبسات ومي تحت المناشف.

١٠. بيك بياخد معو سيغار وطاولة.

١١. الكل بجيب معو برانيط ومناشف ملونين.

١٢. أهم شي المشاية بأصبع والطقشة.

١٣. وأكيد عوينات الشمس الكبار لي شكلن غريب.

١٤. الولاد ببلشوا يلعبوا بالبوالين وفرد المي.

١٥. وفجأة الكبار بصير إلن جلادة يلَّعبوا الزغار.

١٦. التلفون بصير سخن متل الطالع من الفرن.

١٧. البنات والشباب بينزلوا طلس بالزيت

١٨. الغدا عطول ساندويشات طاووق وبطاطا.

١٩. بتسمع إمك عم تقول بعد الغدا: أوعى تنزل على المي بعد الغدا بتستفرغ الأكلات.

٢٠. بس يصير بعد الضهر ببلش ياكلكن البرغش وبيدرزكن درز.

٢١. بس يخلص المشوار عطول بدكن تاكلوا بوظة بالرجعة.

٢٢. بتقرروا ترجعوا الساعة 7 لأن بتكون خفت العجقة.

٢٣. وأكيد الماما بتقلكن تحطوا المنشفة تحتكن قبل ما تقعدوا.

٢٤. إنتو وراجعين بالسيارة بتكونوا مبسوطين كتير ما بتعرفوا لي ولي بشوفكن من برات السيارة بشوف قدي مبسوطين وبيطلع فيكن وبيعرف دغري إنكن جايين من البحر.

٢٥. بيركب مشكل بالبيت على مين بدو يتحمم أول شي.

٢٦. ومين بدو يدهن بيافين قبل.

٢٦. هل ليلة أنجق رح تناموا لأن بتحسوا حالكن محروقين كل الوقت.