كوخ الصنوبر: كوخ خشبي ومسبح وقعدة على صوت الشلال

تعبانين و مهمومين ومش عارفين وين تروحوا؟ طلعوا مشوار على الكورة، وهونيك رح تلاقوا كوخ خشبي مميز غير كل المحلات يلي معودين عليها ناطركن.

كوخ الصنوبر بيتميز بالديكور والألوان والقعدة يلي بتحسسكن إنكن بغير عالم.

بس تفوتوا على هيدا الكوخ رح تحسوا حالكن بغير عالم كلياً. عالم خفيف نضيف وبياخد العقل من جمال الديكور الجبلي والراقي.

هل كوخ بيتألف من طابقين بتبلغ مساحتو 60 متر، من جنينة مهضومة كتير ومسبح خاص وقعدة خشب بتحلى الجلسة فيها على صوت الشلال ونافورة مي وأواني فخار وجو مكنكن.

هل كوخ دوبلكس بيتميز بالشبابيك الزرقا، بس تفوتوا على الطابق التحتاني رح تلاقوا أوضة قعدة مكنكنة وبالطابق الفوقاني رح تشوفوا تخت مجوز مريح وتختين للولاد وبلكون كتير مهضوم مع قعدة ومصباح زغتور.

ما تنسوا تجيبوا معكن أكلاتكن لتعملوا أهضم بيكنيك على الغازون، هيك بتحسوا حالكن بالطبيعة مع صوت المي وشجر الصنوبر المعباية المكان وبنفس الوقت بتكونوا قراب على البيت وعلى الحمام وأكيد إذا حزت المحزوزية فيكن تطلبوا ديليفيري او تروحوا تجيبوا غراض من الدكانة.

السهرة بكوخ الصنوبر حد صوت الشلال بتنسيكن كل همومكن وبتشيل السترس المزروع جواتكن.

فيكن كمان تنزلوا على البيسين وتبوردوا بالميات الحلوين.

كل شي بهل كوخ بسيط وعلى قدو، وهيدا يلي بحلي!

بالنسبة للأسعار بكوخ الصنوبر، رح تكلفكن الليلة من الساعة ٨ بالليل حتى الساعة ٧ الصبح 75$، أما تمضية يوم كامل من الساعة ٨ الصبح حتى الساعة ٦ بالليل 75$، بس كلفة تقضية يوم كامل مع منامة بتكون 125$ ( ٢٤ ساعه ). مع العلم إنو هل أسعار بتشمل أقل من ٨ أفراد ورح تتكلفوا ١٠$ على كل فرد إضافي، أما عدد الأشخاص المسموح في للنوم فهوي ٥ أشخاص.

لازم تطلعوا على كوخ الصنوبر وتعيشوا هل التجربة شخصياً.

احجزوا واحتفلوا بأجمل الأوقات والمناسبات، الجلسات للعائلية الهادية، شهر عسل، أعياد الميلاد، المناسبات العائلية وغيرها.

اتصلوا على هيدا الرقم للحجز: 729 306 70

العنوان: الكورة النخلة – بترومين

ملاحظة: هل محل مخصص للعيل، بيستقبل بس المجوزين رسمياً.

تعرفوا معنا كمان على هالمطعم المميز يلي بيشبه قصر الأحلام بالقليعات.