أحلى كزدورة على فقرا: قعدة جبلية ولقمة بيتوتية

هالويك أند، إنتو أكيد بتستاهلوا هوايات فقرا الحلوين. لهيك اليوم رح نطلع كزدورة على فقرا، لنعرفكن على محل مهضوم وحلو كتير أكيد ما بتعرفوا بعد: عند شاكر.

هالمحل عندو قعدة جبلية بتطير العقل مع منظر طبيعي على الجبال والوديان الخضرا.

عند شاكر، مطعم جبلي مكنكن بفقرا بيشبه بيت جدودنا واللقمة عندو مميزة والجو بسيط.

موقعو رائع على الجبل، الأكل بسيط، عبارة عن تبولة، بطاطا حرة، جبنة و لبنة وزعتر ومن وبيض وقاورما وحمص وهوي مشهور كمان بالبطاطا المقلية لي بيعملها على طريقة البيت ومن دون زيت كتير وعندن لحمة مشوية وطاووق ولا أطيب من هيك.

الخاروف السخن عندن قصة تانية، لازم تجربوا… أطيب شي فخارة بيض بقاورما ولقمة زيتون. والتحلاية متل تحلاية التيتا والجدو، بسكويت مع راحة!

وأحلى شي هلق بالصيفية، القعدة على التراس بفيات الشجر فوق راسكن، على كراسي الضيعة العتيقين والطاولة الخشب…. بتحسوا حالكن ببيت جبل عتيق.

وهون بتتذكروا غنية فيروز الشهيرة “حبيتك بالصيف، حبيتك بالشتي، نطرتك بالصيف ونطرتك بالشتي” لأن هل مطعم بضل ناطركن بالصيف وبالشتي وما بيزهق من النطرة.

إنتو وقاعدين بهل مطرح رح تحسوا حالكن كأنكن بشي منام متل حكايات الخيال لكن صار حقيقية!

عيشوا تجربة خيالية عند شاكر واتصلوا فين على 800 341 09 واحجزوا محل اليوم قبل بكرا

شوفوا كمان، ٥٠ محل تزوروه هالصيفية بلبنان: من الشمال للجنوب!