٨ بيوت ضيافة مميزة مخباية بأنفة

منطقة أنفة بالكورة من أفضل المناطق لتزورها هالصيفية بلبنان، كتار بيشبهوها بجزيرة سانتوريني باليونان خصوصي ببيوتها الزرقا وشوارعها البيضا وموقعها جنب البحر الصافي. اليوم قررنا ناخدكن مشوار على المنطقة ونخبركن عن 8 بيوت ضيافة مميزة مخباية بأنفة!

1. Ô Fleur De Sel

هالبيت الضيافة عبارة عن فيلا من حجر قديم جاهزة تستقبلكن على أحلى عطلة هالصيفية، بيقدم هالبيت إطلالة تراس ساحرة على البحر، وكمان مسبح وجنينة بحسسوكن كأنكن على جزيرتكن الخاصة بعيد عن العالم!

الرقم: 920 365 70

2. أنفويات

هالبيت الضيافة بعيد بس دقيقتين مشي عن شط تحت الريح، بيت بقعدة كتير خاصة ورومانسية ومعتمد الموديل القديم وكتير مناسب لتقضوا نهار على البحر بالمنطقة.

الرقم: 650 240 70

3. Ô Chalet

هالمطرح قاعد دغري على بحر أنفة، بيقدم بيت ضيافة وقعدات تراس وجاكوزي ومطعم للمأكولات البحرية وأجواء كتير حلوة، مشوار كامل متكامل بالصيفية!

الرقم: 055 982 78

4. Marse

مرسي بيت ضيافة قديم موشّح بالأبيض والأزرق بأنفة، عندو قعدات مهضومة وتفاصيل ونقشات بتلاقوها ببيت التيتا، كتير بتستأنسوا بالقعدة على البلكون مع منظر البحر ونسمات الهوا!

الرقم: 425 000 70

5. إسكندر

هالبيت الضيافة جوهرة مخباية بشوارع أنفة، جار البحر والموج، عندو قعدات صخر وقناطر، تراسات روعة، ومطعم لتجربوا أكل غير شكل هالصيفية.

الرقم: 183 896 71

6. بيوت Ampi

من قعدات حلوة جنب المسبح، جنينة خاصة بمراجيح، تراس على البحر، وجو بياخدكن على اليونان، بيوت Ampi بيقدموا تجربة مميزة خصوصي للعشاق بهل صيفية.

الرقم: 840 294 81

7. بيت نهى

هالبيت بعيد دقيقتين مشي عن الشط ومخبى بشوارع أنفة، عندو قعدة جنينة قديمة وتراثية غير شكل، خصوصي تحت الشجر وبين نسمات الهوا، مطرح ساحر مزين بالورد الملون وريحة البحر.

الرقم: 514 480 81

8. بيت فرح

بيت فرح بيتميز بالأسلوب الغجري الحلو والقعدة صوب البحر، بتنبسطوا بألطف الأوقات عندن وبتكتشفوا المنطقة على راحتكن.

الرقم: 176 324 79

شوفوا كمان، أجمل ١٤ بيت ضيافة حول لبنان لعطلة صيفية مميزة