أجمل ١٤ بيت ضيافة حول لبنان لعطلة صيفية مميزة

حابين تقضوا كم يوم عطلة غير شكل هالصيفية؟ عملنا برمة على اجمل المطارح بلبنان، وجبنالكن 14 بيت ضيافة حول لبنان لعطلة صيفية مميزة!

1. Sea Salt– البترون

سي سالت بيت حجر قديم وجار البحر، بيتميز بقعدات على غروب الشمس وصوت الموج، وغرف مقنطرة وساحرة بإطلالة بترد الروح.

الرقم: 128 333 70

2. بيت البحر – طبرجا، كسروان

إذا عبالكن قعدة رومانسية على بلكون بوج البحر، ترويقة على صوت الموجات، بيت البحر عبارة عن بيت الأحلام والرومانسيات بطبرجا وجاهز يستقبلكن على أحلى عطلة هالصيفية!

الرقم: 082 777 81

3. O Fleur de Sel – أنفة، الكورة

بتلاقوا على شط أنفة فيلا ساحرة الجمال، فيها قعدات تراس وجنينة مخباية عن العالم ومسبح خاص مع منظر للبحر بياخد العقل، بتحسسكن إنو رحتو على جزيرة بعيدة بالبحر!

الرقم: 920 365 70

4. دار زفتا – زفتا، النبطية

دار زفتا رح يسحركن بشبابيكو المقنطرة، القعدة جنب المسبح، الجنينات المخباية وقعدات تحت فيّ الشجر، من أجمل المطارح لتجربوها هالصيفية بالنبطية.

الرقم: 151 895 81

5. بيت الجبل – دير القمر

بيت الجبل من أجمل بيوت الضيافة الجبلية بلبنان، بيتميز بتراسات مميزة بدير القمر اللي بتطل على الجبال والوديان، أوض النوم اللي كلها رومانسية، وجنينات ورد وشجر ساحرة الجمال!

الرقم: 767 160 71

6. بيت فرح – أنفه

بيت فرح بيت الأحلام السعيدة على بحر أنفه، مخبى بين الشوارع القديمة الزرقا اللي بتحسسّكن إنكن بجزيرة سانتوريني باليونان، بيعتمد الموديل الغجري والقديم وعندو قعدات رايقة، والحلو انو بعيد بس دقيقة وحدة تمشاية عن البحر، يعني بتقضوا أحلى نهار على الشط!

الرقم: 176 324 79

7. بلو جاي فالي Blue Jay Valley – جزين

بقلب أحضان الطبيعة وشجر الصنوبر بجزين بتلاقوا مخبى شاليهات خشب، وقعدات تراس، وبيوت حجر مع جاكوزي، ومسابح مع مناظر ساحرة لغروب الشمس، وحتى مطعم بيقدم مأكولات شهية، قعدة كاملة متكاملة هالصيفية عند بلو جاي فالي!

الرقم: 088 880 78 – 112 811 07

8. كايم – ميروبا، عجلتون

بيت ضيافة روعة بأحضان الغابة والصخر، قاعد مطرح بعيد عن العالم وبيتميز بمسبح مميز، قعدات مرتبة، وجو رومانسي لكل العشاق اللي عبالن وقت حلو بحضن الجبل.

الرقم: 494 649 81

9. كالينا جوي – حالات، جبيل

هالبيت الضيافة بجبيل بياخدكن على عالم رومانسي وبعيد عن العجقة مع إطلالة للبحر، فيكن تسبحوا وتتفرجوا على غروب الشمس وتنبسطوا بأجمل سهرات النار تحت النجوم.

الرقم: 233 122 79

10. Villa Joie – جبيل

هالمطرح بيقدم كذا فيلا مع إطلالة جبلية مميزة، قعدات بالجنينة ومسابح كبيرة لترخوها تحت الشمس هالصيفية مع أطيب الأكلات والمشروبات!

الرقم: 950 009 76

11. Vila Vita – جونية

هالبيت الضيافة قاعد على ساحل جونية، بيقدم جاكوزي مع منظر ساحر، قعدة تراس خاصة على البحر، وجو غجري مميز لتقضوا أحلى صيفية.

الرقم: 008 554 81

12. Glimzi Guesthouse – صور

عبالكن تقضوا كم نهار بصور لتنبسطوا هالصيفية؟ Glimzi Guesthouse عندو قعدة بلكون غير شكل على البحر وموديل شرقي روعة بفوتكن بجو الصيفية وبحسسكن بالراحة النفسية.

الرقم: 799 588 71

13. بيت البترون – البترون

بيت البترون الساحر مغمور بالشجر والورد، بيتميز بقعدة تراس من الخيال، الشبابيك والأوض المقنطرة اللي بيلعب فيها الهوا، يعني بتحسوا حالكن سافرتوا من دون ما تسافروا!

الرقم: 049 270 03

14. بيوتي – معاصر بيت الدين

بتلاقوا عند بيوتي جنينات معلّقة، مسابح كبيرة، أكل طيب، مناظر ساحرة الجمال، والحلو انو بعيد بس 5 دقايق مشي عن قصر بيت الدين العريق وكل المطارح السياحية بالشوف!

الرقم: 200 726 03

شوفوا كمان، ٥٠ محل تزوروه هالصيفية بلبنان: من الشمال للجنوب!