٣ بيوت ضيافة على الستيل اليوناني بلبنان

يلا نسافر على اليونان من قلب لبنان لنغير شوية جو ونقضي كم يوم حلوين مع فيو بطير العقل.

١. كاف الميان El Mayan Cave، حامات

شالي مغطى بالأبيض من برا ومن جوا، بيشبه البيوت الأسطورية اليونانية التراثية. من أجمل البيوت لي ممكن تتخيلوها، بطل على البحر وعندو جاكوزي وفيكن تنزلوا على البحر والبيسين من قلبو. تخايلوا حالكن عم تفيقوا الصبح وتشوفوا كل هل الجمال من التخت. من السما للبحر، للأكل الطيب كلو قبالكن.

الرقم: 444 714 81

٢. مرسة، أنفه

بيت ازرق وأبيض متل بيوت سانتوريني، مع جنينة وتراس ومرجوحة ولا ألذ من هيك قعدة. بيت بسيط بس في كل شي بدو يا قلبكن. وعلى العصرونية، ما في أجمل من القعدة على السطح بتشوفوا منا أجمل منظر مغيب للشمس من ورا البحر.

الرقم: 425 000 70

٣. أنفويات، أنفه

البيت من برا ومن جوا غريب متل بيوت ميكونوس، عندو قعدة ملونة على التراس وأوض من حجر لح تخليكن تقضوا ليلة يونانية حقيقية. هل بيت كمان بقدم لكل الزوار ترويقة الصبح من أطيب لقمة لبنانية وتحلاية فواكة وأكيد فنجان قهوة غير شكل. بالليل، تركوا كل شي وحطوا موسيقى حلوة وحضروا لقمة خفيفة لسهرة ممتعة على التراس تحت نسمات الشجرات.

الرقم: 650 240 70

شوفوا كمان، ٣٠ شغلة تعملوها بلبنان قبل ما تخلص الصيفية.