أضرب ١٢ شغلة كانت تصير معنا أيام المدرسة!

شو شتقنا لإيام المدرسة، شو شتقنا لإيام ما كان عنا لا هم وغم، تعوا نتذكر أضرب القصص لي كانوا يصيروا معنا إيام المدرسة بلبنان ونضحك شوي!

١. الوقفة قدام الدكانة والتدفيش لنقدر ناكل منقوشة وشو كنا ناكل خبيط

٢. البهدلة لي كنا ناكلها كل مرة منجي متأخرين 5 دقايق على الصف

٣. لما نتأخر بالفيقة بكير ويسبقنا الأوتوكار

٤. لما تقعد المعلمة تخبرنا عن جوزها وقدي هوي زكي وقدي هيي زكية ونكون مجبورين نسمع الحديث كلو

٥. وقت نوقف قدام الصف كلو لنسمع الدرس وننسا كل شي دارسينو

٦. لما كانوا يسمعونا حكي المعلمات من بعد ساعة الرياضة قال في ريحة عرق قوية

٧. وأكتر لحظة رعب كنا نعيشها وقت توزيع العلامات وقال كانوا بلشوا من العلامات الأعلى للأوطى ويا ويلو لي كان يطلع إسمو آخر شي

٨. بس نلاقي إنو عروسة اللبنة لي بعتتلنا ياها الماما مبلولة وبايتة بس ما معنا شي تاني ناكلوا

ونحن صغار كانت الحل لكل مشاكلنا النفسية والجسدية… وجعلتها الحل لأولادي أيضا..
عروسة اللبنة.#مطبخ_دلع 😋 pic.twitter.com/13A5bWiSLM

— دلع المفتي🎀 (@dalaaalmoufti) June 12, 2018

٩. لما تقرر الإدارة تعمل كبسة على الصفوف وتشوف مين مطول شعرو وضافيرو وياكل إنذار

١٠. الإعراب لي ما بحياتنا كنا نفهم منو شي ومن بعدها بيجي العروض

١١. بس الكل يصير بدو ياخد من علبة الكلينكس لي ما معك غيرها وما فيك ما توزع على الكل وبالآخر ما كان يبقى منا شي

١٢. وأبشع شي لما تكون المعلمة معصبة وتجي تفش خلقها بالصف وما يعود يسترجي حدا يتنفس

شوفوا كمان، أنواع الناس يلي بتلتقوا فيهن بس تكونوا بالعجقة بلبنان.