٤ من أطيب مطاعم الفالوغة للشتوية

بالسقعة والبرود مشوار الفالوغة بيطلع غير شكل! بالشتوية هالمنطقة الجبلية بتتزين بالتلوج وبحيراتها السحرية بتتجمد، بتشوفوا مدرجات بيضا من المناظر الخلابة والقعدات الجبلية ومدى ما بيخلص من الجمال الطبيعي. اليوم قررنا ناخدكن على 4 من أطيب مطاعم الفالوغة للشتوية.

Via @Live Love Falougha

1. Casa de Familia

مطعم مميز بيعمل كل شي مشوي وطيب، وعندو برغر ومشروبات بيشهوا. معروف انو بيعمل سهرات وحفلات بالمنطقة لكل اللي بيحبوا الأجواء الحلوة.

الرقم: 832 274 03

2. مطعم وأوتيل رامي

مطعم رامي بيستقبلكن على جو مميز للجمعات متل العيلة أو الأصحاب، عندو منيو مشكلة من أطيب الأطباق اللبنانية والبوفيهات الكريمة.

هالمطعم عندو قعدة شتوية مليانة دفى مع منظر الصنوبر والطبيعة بالفالوغة. وكمان قاعد بقلب أوتيل مكنكن وحلو للشتوية، بتفيقوا على ترويقة غير شكل مع منظر التلوج.

الرقم: 937 215 03

3. مطعم الوسيم

بتلاقوا بمطعم وسيم المشاوي من اللحمة والدجاج على أصولها، سفرة كريمة وأكل تراثي وقعدة دافية بالشتي.

استمتعوا بنَفَس الفالوغة مع لقمة ضيعة عند الوسيم!

الرقم: 200 116 71

4. Eleven 11

مطعم زغير مع قعدة ملوّنة بتدخل الفرحة على القلب. عندو أكل عالمي طيب من برغر وسلطات وقريدس وستيك وناتشوز، وكمان تحلاية غير شكل خصوصي إذا معكن ولاد.

الرقم: 221 124 76

خبرونا، حبيتوا المشوار على أطيب مطاعم الفالوغة؟

شوفوا كمان، تعرفوا على أفضل مطاعم أرز بشري بالشتوية