لقينالكن هدايا إستثنائية لأحبابكن بالكريسماس!

إذا بعد ما خلصتوا تسوق هدايا عيد الميلاد للأهل والأصحاب، وبعدكن مش عارفين شو تشتروا، لقينالكن ٥ هدايا إستثنائية لأحبابكن بالكريسماس! وأكيد رح بتلاقوا معنا هدايا مميزة، وبتناسب مختلف الأذواق.

1. معدات رياضة وركض جديدة من Beirut Running Butiq

هدايا الكريسماس غير شكل من عند Beirut Running Butiq! محل مميز لكل محبي رياضة الركض ببيروت، والحلو انو بيقدموا Gift cards بقيمة 50 دولار كمان!

إذا عندكن هالرفيق أو الرفيقة اللي بيقضوها بالجيم، أو بيحبوا يركضوا الصبح ببيروت، أو حتى بيشاركوا بالمراتون بتلاقوا عند هالمحل الهدية المثالية للعيد. BRB عبارة عن محل وكافيه لمحبي الركض بكل أنحاء بيروت. المحل مليان كل شي ممكن تحتاجو، من أحذية رياضية خاصة بالركض، لتياب الرياضة أو Activewear بجودة عالية، واذا بحاجة لطاقة زايدة لتكفوا نهاركن، بتدوقوا عندن القهوة الطيبة انتو وعم تتسوقوا.

الحلو بهالمحل انو بتلاقوا مدربين ومحترفين برياضة الركض، جاهزين يساعدوكن تختاروا الغرض اللي بيناسبكن. فإذا انتو بعدكن جداد بالركض وشوي ضايعين، مهمتن يقدمولكن أفضل المنتجات والنصايح الإحترافية.

هالمحل بيبيع كل أنواع الأحذية الخاصة للركض، بحال كنتوا محترفين أو مبتدئين رح بتلاقوا الخيار المناسب وبأفضل نوعية! كمان بيقدملكن معدات الركض الرجالي والنسائي، مع كلسات مريحين وبجودة عالية! وليكمل روتينكن الرياضي، بتلاقوا عندن energy gels و protein bars.

شو ناطرين؟ فرحوا قلوب أحبابكن هالعيد عند BRB! وإذا انتو ما عارفين شو تختاروا، أكيد عطوهن gift card بقيمة 50 دولار وهني بيشتروا اللي عبالن. بتلاقوا المحل بشارع وادي نعيم بالأشرفية، وإكبسوا هون لتعرفوا موقعو بالزبط.

2. منتجات عناية البشرة والشعر من عند Potion Kitchen

بوشين كيتشن هي ماركة لبنانية بتقدم منتجات العناية بالبشرة والشعر بمكونات عالية الجودة. عندن زيوت طبيعية لتغذية الشعر غير شكل! وكمان منتجات خاصة بالرجال والعناية بالدقن، يعني بتلاقوا هدية لكل حدا!

3. بوكس الكتب من عند مكتبة حلبي

بتلاقوا عند مكتبة الحلبي بالحمرا مجموعة واسعة لمحبي القراءة، ومتل كل سنة بالعيد بيعملوا بوكس بقلبوا أهضم الغراض اللطيفة والكتب المسلية، وانتو بتقدروا تنقوا وتختاروا!

4. سكوتر كهربائية من عند سكوبر

مشروع محلي مستدام وصديق للبيئة ببيروت، بيقدموا سكوتر كهربائية لتنقل بكل رياحة، بلا عجقة، و همّ البنزين، أو موقف السيارات. هدية حلوة وما بتكلف كتير نظراً أديه مفيدة وعملية بحياتنا اليومية. لتعرفوا أكتر، شوفوا المقال هون.

5. منتجات الحرير من عند سليك

دللوا حالكن أو حدن بتحبوا بهدية من سليك، منتجات معمولة مية بالمية من أفضل أنواع الحرير! بتلاقوا أغطية مخدات، ماسكات النوم، ربطات شعر، وكلو هدفو يريحكن ويحافظ على صحة شعركن وبشرتكن. لتعرفوا أكتر، اكبسوا هون.

شوفوا كمان،شوفوا مهرجانات عيد الميلاد بضيع لبنان هالسنة!