٧ مطارح لتقضوا ليلة دافية بين تلوج كفردبيان

كفردبيان منطقة أساسية تزوروها بالشتوية وكتير مشهورة بمراكز التزلج و النشاطات الموسمية، وحتى مصيف جبلي غير شكل. بحال عبالكن تروحوا مشوار مع أحبابكن وتقضوا نهار كامل بكفردبيان، لقينالكن وين فيكن تقضوا عطلة من العمر بهالمنطقة، جبنالكن بيوت ضيافة و أوتيلات ومطارح بتعيشكن التجربة الإستثنائية. 

1. Terrebrune Hotel 

تخايلوا معنا هالمشهد: ترويقة بلدية على بلكون خاص مع منظر التلوج، صبحية من الحلم! لتعيشوا هالجو الرومانسي اتوجهوا على هالأوتيل المميز بكفردبيان. 

مش بس بتلاقوا غرف مريحة ودافية، كمان عشوات روعة جنب الشاميني مع جبنة فوندو وكاس نبيد. 

الرقم: 301 030 03

2. The Dome 

كتار منا بيفتشوا على تجربة مميز بالطبيعة الجبلية، وهالبيت القبة بكفردبيان بيقدملكن أحلى قعدة بالغابة. بيوت القبة فيها كل وسايل الراحة و الترفيه، صوبا حطب، جاكوزي، ألعاب وأفلام، منظر مفتوح ع الغابة، وقعدة بعيدة عن العالم. مطرح غير شكل للعشاق اللي عم يبرموا ع مطرح خاص وحميمي!

الرقم: 330 331 70

3. Chill Chalet، فقرا كفردبيان

هالشاليه مناسب تحجزوا فيه مع العيلة، عندو قعدة مودرن، جو دافي، وبلكون مطل ع جمال كفردبيان!

الرقم: 244 077 81 

4. Montagna Casa Guest House، فقرا كفردبيان

إستمتعوا بجمال التلوج وليالي دافية عند هالبيت الضيافة المكنكن بنص الضيعة. والحلو انو كمان قريب ع مراكز التزلج و المطاعم بالمنطقة. 

الرقم: 841 918 03 

5. Urban Retreat

Urban Retreat بيقدملكن كذا تجربة مميزة بكفردبيان. فيكن تقضوا عطلة الأحلام بقلب بيت قبة بحضن الشجر العتيق، بيضم تراس وترويقة وفيو مفتوحة ع الطبيعة، مع قعدة مليانة دفى وكنكنة جنب الصوبا. 

الرقم: 261 464 81

6. Oakridge Faqra، فقرا كفردبيان

هالأوتيل الفاخر بيقدملكن تجربة مميزة للعشاق اللي عم يدوروا ع محل مرتب ورومانسي يقضوا فيه شهر العسل هالشتوية بدل ما يتكلفوا كتير ويسافروا. مطعم، خدمات مساج وسبا، مسبح داخلي وفيو خلاب للطبيعة. 

الرقم: 009 707 70

7. Ourea Faqra، فقرا كفردبيان

كمان هالبيت مطرح مميز لتقضوا شهر عسلكن جنب الصوبا، ع منظر التلوج ودقات البيانو، وتقضوا نهار كامل عم تلعبوا بالتلج.

شوفوا كمان، أجمل بيوت الضيافة بأحضان فاريا