شو مشاريعنا
هيك فيكن تقضوا نهار شتوي بضيعة حصرون “وردة الجبل”
موسم التلجات بلش ومين فينا ما بحب يستغل هالفترة ويقضي وقت مع العلية والأصحاب بضيع لبنان على التلج، لهيك اليوم رح ناخدكن مشوار كتير مهضوم وحلو على ضيعة حصرون.
١. بلشوا نهاركن بترويقة بلدية غير شكل حد النار عند مطعم Root 829
مناقيش، بيض ولبنة وشنكليش مع خضرا وحلوم
وفيكن كمان تقرروا تقعدوا بالتلجات!
بس تخلصوا أكل ما تنسوا تشربوا فنجان شاي وترجعوا تتحلوا بأطيب كنافة
أو حتى تتدفوا بكاسة سحلب
الرقم: 829 000 71
٢. تمشوا بسوق الضيعة العتيق وميلوا على المحلات والدكاكين
وتفرجوا على محطة البنزين العتيقة بالضيعة
٣. العبوا ورق واشربوا شفة قهوة عند قهوة السوق
٤. تمشوا بالشوارع الضيقة واشربوا مي من عيون الضيعة
٥. زوروا مزار مار الياس وتفرجوا على أجمل منظر مغطى بالبياض
٦. تفرجوا على الشمس عم تغيب ورا الوادي… أجمل منظر بالدني
٧. كلوا أطيب لقمة تراثية لبنانية بالضيعة من المشاوي للتبولة والحمص ومختلف صحون المازة عند مطعم راس النبع
الرقم: 118 590 06
٨. عملوا هايك بالتلج بقلب غابات الضيعة
٩. زوروا كنيسة مار لابا الأثرية بساحة الضيعة
١٠. تفرجوا على البحيرات المجلدة بالضيعة
١١. تفرجوا على البيوت التراثية لي مغطاية بالتلج الأبيض
في أحلى من هيك منظر؟
١٢. جربوا التحلاية يلي مشهورين فيها أهل الضيعة: قشطا مع عسل
١٣. قضوا ليلة دافية بقلب Maison Batache، بيت بيشبه بيوت جدودنا
ديكور بسيط بس قريب للقلب، كل الغرف مجهزة بكافة وسايل الراحة
والصبح على التراس فيكن تتأملوا أحلى منظر للضيعة وتاكلوا أطيب ترويقة
الرقم: 948 001 81
شوفوا كمان، ٩ أوتيلات ومنتجعات مكللة بالتلج بلبنان!