طرومبة بنزين تحولت لمحل حلو بنص بيروت!

صح متل ما سمعتوا، محطة بنزين طويلة عريضة صارت محل للحلويات بقلب بيروت وبكورنيش المزرعة بالتحديد.

جايين تعبوا بنزين؟ ما تزعلوا لأن سلتكن رح تكون فاضية، لأن على القليلة مش رح تفلوا ع معدة فاضية. إذا كان حبيب قلبكن الحلو تعرفوا هل محل المهضوم، سويرلي Swirly وجربوا كم لقمة من تحت ديات الشيف أحمد.

تحولت محطة البنزين توتال كلا لتصير محل حلويات ولبست لون الزهر، فيكن تجيبوا معكن أصحابكن لهون بتاكلوا وبتشربوا سوا على الكراسي الملونين برا.

شو عندن؟ كريب ع مختلف الطعمات، ميني بان كيك ع مختلف الطعمات وميلك شايك ومشروبات طيبة بتبورد القلب، عندن كمان بوظة اللفات ومتلجات غب الطلب مع شوكولا على الوج. عندن كمان شراب الرمان شي كتير ببورد ومنعش وميلك شايك عبوشار وقصص وخبار غريبة عجيبة لأول مرة بتشوفوها.

ولكل الناس اللي عندن ضرس حلو، ضروري تجربوا الميني بان كايكس كواترو على أربع أنواع من الحلو، النوتيلا، اللوتس، الحليب، والشوكولا البلجيكي. التقديم مميز والطعمة غنية وبتدوب بالتم.

بتكونوا قاطعين بكورنيش المزرعة، فيكن تطلبوا شي طيب إنتو وبالسيارة أو توقفوا شوي وتنزلوا لتاكلوا لقمتكن ع رواق، طلبيتكن بتخلص بظرف دقايق، بتتعرفوا بهل وقت على الناس إنتو وواقفين عم تسولفوا وبتتعرفوا كمان على الشيف أحمد، كتير مهضوم وقريب للقلب. نحنا كتير حبينا الفكرة، إنتو شو رأيكن؟

العنوان: كورنيش المزرعة، حد صيدلية مازن
الرقم: 971 264 03

شوفوا كمان، صار فيكن تاكلوا شاورما بس ب000 190 ليرة ليرة عند هالمحل ببيروت!