هالمحل السوشي المحبوب صار عندو فرع جديد بمار مخايل

كتير حلو نشوف المطاعم والمحلات يلي منعرفها ومنحبها عم تتوسع وتفتح بمناطق جديدة. وإذا إنتو من محبّي السوشي، أكيد اسم Sushi Lover’s Express مش غريب عليكن. بعد 17 سنة من بداية المشوار، البراند عم يوسّع حضوره مع فرع جديد بمار مخايل.

إذا صرلكن سنين تطلبوا من Sushi Lover’s، أكيد بتعرفوا إنّو هيدا مش محل جديد. البراند بلّش من 17 سنة بأول فرع بالشويفات، وبعدها توسّع وفتح بالحمرا سنة 2019. واليوم، مع افتتاح فرع مار مخايل، صار عندن 3 فروع بالشويفات، الحمرا ومار مخايل.

شو ناطركن بالمحل الجديد؟

موجود بقلب مار مخايل، تحديدًا مقابل Bunman، الفرع الجديد جايب أطيب سوشي ع أكتر المناطق المليانة مطاعم وأكل ببيروت.

المنطقة هادية نسبيًا، والمحل فيه ديكور بلمسات يابانية، من المراوح والتفاصيل الحمرا للرسومات عالحيطان والديكور المعلّق. الجو بسيط ومريح، ومناسب لغدا سريع أو عشا مع الرفقة.

وبالفرع الجديد، بعدن محافظين ع نفس الطريقة يلي مشيوا عليها من أول يوم: سوشي طازة، مكوّنات بجودة عالية، وكل طبق بيتحضّر وقت الطلب.

شو تطلبوا

بما إنّو جرّبنا Sushi Lover’s أكتر من مرة، هيدي بعض الأصناف يلي مننصحكن تجربوها إذا محتارين شو تختاروا من المنيو.

بلّشوا بـ: سلطة السلمون المقرمشة وSpring Rolls بالخضرا. خفاف، فريش ومقرمشين، وبيكونوا بداية حلوة للوجبة.

أصناف لازم تجرّبوها: الـFlying Salmon، الـDouble Crazy والـTopaz Futo Maki من الأصناف المفضّلة عنا. قطع السوشي حجمها كبير، وفي توازن بين الرز والسمك وباقي المكوّنات.

وما تنسوا: Sushi Lover’s Mini Cake، يلي من الأصناف المظلومة شوي عندن وبتستاهل التجربة. وكمان Geisha Gunkan خيار حلو إذا بتحبوا المانغا مع السوشي.

وإذا بدكن شي تاكلوه ع السريع أو حتى بالسيارة، عندن كمان Push Pop Sushi، يلي صار ترند بالفترة الأخيرة، وSushi Lover’s Express من المحلات القليلة يلي بيقدّموه.

Sushi Lover’s Express عم يحتفل بـ17 سنة

وبمناسبة مرور 17 سنة على المحل، نزّلوا 17th Anniversary Combo، يلي بيضم 40 قطعة Premium Maki بـ $35.

العرض متوفّر لمدّة أسبوعين ابتداءً من 24 آب 2026، بكل الفروع التلاتة، للأكل بالمحل، Takeaway، أو ديليفيري.

بعد 17 سنة، Sushi Lover’s Express بعدو محافظ ع الأشيا يلي خلّت الناس تحبّه: سوشي طازة، مكوّنات عالية الجودة، قطع محرزة، وأسعار مناسبة.

تابعوهن ع انستغرام لتعرفوا أكتر عن الفرع الجديد والعروض.

شوفوا كمان:

Simple Butter فتح ستيك هاوس جديد بلبنان