متبعين نظام غذائي؟ هالسوق بتلاقوا عندو كل المنتجات الصحية والعضوية!

إذا مرّة لقيت حالك عم تلفّ على كذا سوبرماركت لتلاقي المنتجات اللي بتناسب احتياجاتك ونمط حياتك، فـ LivGood إجا ليجمعلك كل هالخيارات بمحل واحد ويحلّ هالمشكلة بالسوق اللبناني.

LivGood بيجمع كل المنتجات اللي عادةً بيكون صعب تلاقيها أو مش متوفّرة بسهولة بمكان واحد. هو متجر أونلاين بيوصّل لكل المناطق بلبنان، وبيقدّم تشكيلة أوسع بكتير من اللي ممكن تلاقيها بقسم المنتجات الصحية بأي سوبرماركت.

من سناكات عالية بالبروتين، ومنتجات خالية من الغلوتين، ماتشا ومشروبات العافية! حتى مكمّلات غذائية، وأساسيات الطبخ الصحية، منتجات تنضيف بلا مواد كيميائية… كل شي بتحتاجوه لصحتكن وحياتكن اليومية، من دون ما تضطروا تبرموا على كذا محل لتلاقوه.

متجر LivGood موجّه للأشخاص المشغولة، للعيل، لروّاد الجيم، ولكل شخص مهتم بصحّته وبدو ياكل بطريقة أفضل.

والأهم، إنّه بيأمّن مساحة مريحة للأشخاص اللي عندن متطلبات غذائية خاصة! متل حساسية اللاكتوز، و متلازمة تكيّس المبايض (PCOS)، ومرض السيلياك. ليقدروا يلاقوا منتجات مناسبة لإلن من دون ما يضطرّوا يتنازلوا عن احتياجاتن أو يحسّوا إنّو خياراتن محدودة.

كيف تجربة التسوق؟

فيكن تشوفوا حسب لايف ستايل يلي بتتبعو، مش بس حسب فئة المنتج، وهيدا الشي بيخلّي التجربة أسهل بكتير. يعني فيكن تلاقوا بسرعة خيارات بتناسب روتينكن اليومي.

سواء كنتوا عم تدوّروا على منتجات نباتية، خيارات غنيّة بالبروتين، منتجات مناسبة للكيتو. حتى بدائل خالية من الغلوتين، أو خيارات قليلة بالسعرات الحرارية، كل شي صار أسهل مع LivGood.

المنصّة معمولة للناس اللي بدّن الراحة بالتسوق بالوقت اللي بيهتمّوا فيه بخيارات أكل وحياة صحّية أكتر.

الطلب بيصير بسهولة عبر الموقع هون أو التطبيق هون.

وإذا بتشوفوا صفحة إنستغرام تبعن، رح تلاقوا أفكار لوصفات صحّية، بدائل أذكى للأكل اليومي، منتجات جديدة للعافية، وغيرو.

وكمان، المنصّة بتتعاون مع أخصائيين تغذية و مدرّبين صحيّين! هيك يقدّموا نصائح ومحتوى مفيد، حتى تكون التجربة أكتر من تسوّق، و تساعدكن تاخدوا خيارات أنسب وأوعى لنمط حياتكن.

شوفوا كمان:

ما بقى تكبّوا زيت القلي…هالمشروع بيشتريه منكن!