أحلى تياب لموسم الصيف؟ لقينا أهضم محل! 

في محلات منفوت عليها ومنحس إنو فجأة صرنا جاهزين لعطلة عالبحر، غدا مع الأصحاب، أو مشوار عفوي بآخر النهار. Solea Concept واحد من هالمحلات الحلوين ببيروت (وكمان بطرابلس) يلي بيجمعوا كل شي منحبّه بالصيف: تياب خفيفة، ألوان ناعمة، قصّات مريحة، واسعار مقبولة.

المحل بقدم تشكيلة واسعة من التياب والأكسيسوار من مصممين لبنانية، وكمان collections من برا. الستايل عندن صيفي، مريح، وبحمسكن عالضهرة. من البناطلين الواسعة والـجينز الحلو، للقمصان البيضاء، الفساتين الخفيفة، التنانير، الـsets، والصنادل الملوّنة… في شي لكل شخص بحب يطلع مرتّب.

أكتر شي حلو بالمحل هو إنو القطع مميزة وما في منها كتير بالسوق. يعني إذا تعبتي من إنو تشوفي 100 شخص لابس نفس الفستان يلي لابستي، هيدا المحل هو الك. وأكيد عندهن ديليفري بكل أنحاء لبنان للي مش قادر يزورهن!

والأحلى؟ Solea Concept مش بس محل تياب. عندن كمان spa، يعني فيكن تعملوا shopping وتدلّلوا حالكن بنفس المشوار. من الظفير للرموش وحتى الماساج!

هيدا النوع من الأماكن اللي بيخلّيكن تقولوا: “بس بدي شوف شو عندن”، وبترجعوا طالعين ب لوك كامل، ظفير مرتّبة، ومزاج أحلى.

إذا عم تفتشوا على محل مهضوم، صيفي، والتياب عندو ما بتكسر الجيبة، حطوا Solea Concept على اللائحة. موسم الصيف بلّش، وخزانتكن أكيد بدها كم قطعة بتشبه الشمس، البحر، والمشاوير الحلوة.

📍 العنوان: بيروت راس النبع وطرابلس

☎️ التلفون: 70617081- 01651592