سفرة شرقية ولقمة ملوك… هالمطعم ببيروت لازم تجربوه!

إذا بدكن تعيشوا تجربة بتجمع بين الأكل الطيب، الأجواء التراثية، والضيافة اللبنانية، لازم تزوروا نارنج كافيه – مونو، بيروت. هالمحل اللي انشهر وصار من الأماكن المحبوبة بعدة دول عربية، وصل ع قلب بيروت وحمل معه نكهات استثنائية ما بتلاقوها بأي محل تاني.

نارنج …أطيب مطعم للأكل الشرقي ببيروت!

من أول ما بتفوتوا، بتلفتكن نافورة المي المزينة بالورد، مع ريحة النارنج اللي معبّية المكان، وديكور مستوحى من ألوان الحمضيات، بيكمّله منظر البيوت البيروتية التراثية المحيطة بالمطعم. كل تفصيل بالمكان بيخلق جو بيرجعكن لأيام الزمن الجميل، وبيخلي القعدة تجربة بحد ذاتها.

واسم “نارنج” ما إجا صدفة، هو مستوحى من شجرة النارنج اللي بتشكّل جزء من هوية المكان، وبتنعكس بأجوائه وتفاصيله. القعدة مريحة، الألوان الدافية، والجو بيعزمكن لتقعدوا، تحكوا، وتستمتعوا بكل لحظة قبل ما يوصل الأكل.

سفرتكن من الميل للميل…وصحنكن مغنّج وزيادة!

أما المنيو، فهي رحلة بين المطبخ اللبناني والشرقي والعربي، مع أطباق معمولة بإتقان ولقمة كريمة. إذا بدكن نصيحة، بلشوا بالتبولة ع طريقتن اللي بتتميز بورق العنب المحشي، أو جربوا تبولة الشمندر لطعم مختلف.

ومن المقبلات، الخيارات كتيرة وكل وحدة أطيب من التانية، من حرّاق إصبعه، والكبيبات مع الحمص، والبطاطا الحرّة، لمشكل اليالنجي، وفتّة المكدوس الغنية بالنكهات، وصولاً للقرنبيط المقلي المقرمش مع البرغل بدفين المحضّر على أصوله.

أما بالأطباق الرئيسية، المشاوي والكباب من الأطباق اللي ما لازم تفوتكن. بتطلبوا جنبها شرحات اللحمة مع البطاطا، أو الفريكة بالموزات الطرية والغنية بالنكهة، وإذا بدكن الفلافل وجيب اللحمة بالصينية. كل طبق بيتميّز بطريقة تقديمه ونكهته الخاصة!

ولأن ختامها مسك، اتركوا محل للتحلاية. فيكن تختاروا بين تارت الجوز أو البقلاوة ميلك شايك، أو تجربوا بوظة الدبس مع معمول الجبنة، وكل وحدة ألذ من التانية.

نارنج كافيه مش بس مطعم، هو تجربة كاملة بتجمع الطعم الأصيل، الأجواء الدافية، والكرم اللبناني والعربي. محل بتروحوا عليه مرة… وبتلاقوا حالكن عم ترجعوا لعندو كل ما اشتقتوا لأكلة طيبة ولمّة حلوة.

📍 العنوان:

نارنج كافيه، شارع رشيد الدحدح – مونو، بيروت

الموقع بالتحديد بالرابط هون.

📞 للتواصل:

الرقم: 118 511 71

ما تنسوا تابعوهن ع انستغرام هون.

شوفوا كمان:

وين تاكل بالبترون؟ أحلى 40+ مطعم بكل البترون هالصيف