على صخرة بنص البحر… اكتشفوا منتجع جديد بعمشيت

إذا عم تدوّروا على محل جديد تغيّروا فيه جوّ هالصيف، في وجهة جديدة بعمشيت رح تحسّسكن كأنكن بجزيرة خاصة بنص البحر. Nalu Resort قاعد فوق الصخور، ومصمّم ليعطيكن تجربة صيفية مختلفة، من القعدة ع البحر للأجواء الحلوة.

أكتر شي بيميّز Nalu هو موقعه. فيكن تقعدوا فوق الصخور، تتشمّسوا والبحر حواليكن من كل الميلات، وبكل بساطة تنزلوا ع المي وتاخدوا غطسة وقت بدكن. وفي كمان ممرات وقعدات فوق الموج، بتخلّيكن تحسّوا إنكن عنجد بنص البحر، قاعدين تحتكن ميّ عمشيت الصافية والمنظر المفتوح حواليكن.

وإذا بدكن شوية راحة وخصوصية، في جاكوزي خاص محاوط بالصخور ومطلّ ع البحر، فيكن تسترخوا فيه وتاخدوا وقتكن بعيد عن الضجة.

والتجربة ما بتوقف هون. بالمكان في مسبح، موسيقى حماسية، قعدات مريحة وأجواء صيفية حيوية. وبعد السباحة أو التشمس، فيكن تكفّوا نهاركن مع أكلة طيبة من Feniqia Restaurant، المعروف بأطباقه البحرية الطازة والمرتبة.

بموقعه المميّز بعمشيت، Nalu Resort عم يجمع كل شي بتحبوه بالصيف بمحل واحد: صخور، بحر، مسبح، أكل، موسيقى. فإذا بدكن تعيشوا نهار تحسّوا حالكن بجزيرة صغيرة بنص البحر، هيدي يمكن تكون وجهتكن الجديدة هالصيف.

للتواصل ع الرقم: 444 541 71. وما تنسوا تابعوهن ع انستغرام هون.

الصور من Talaviews.

شوفوا كمان:

البحر إلكن لحالكن وبس ب 10$ عند هالجوهرة بالشمال!