البحر إلكن لحالكن وبس ب 10$ عند هالجوهرة بالشمال!

في لحظات بالصيف بتكون كل اللي بدكن ياه إنكن توصلوا عالبحر، تلاقوا مطرحكن الخاص، وتتركوا صوت الموج ياخدكن بعيد عن كل شي. بـ WARD The Cabin، هالتجربة بتصير حقيقة، مع شط خاص بيخلّيكن تستمتعوا بنهار البحر بكل راحة وخصوصية، من قلمون – شمال لبنان.

المكان بيجمع كل تفاصيل الصيف الحلوة بمطرح واحد: شط خاص، مسبح كبير، بيت ضيافة تراثي مطل عالبحر والجنينة، وحدايق خضرا. قاعد بالنص بين طرابلس وأنفه، وهالشي بيخلي مميز إذا عبالكن تكتشفوا شمال لبنان بكم يوم.

من أول ما تفوتوا، بتحسّوا إنكن دخلتوا بعالم تاني! بحر قدّامكن، حديقة خضرا حواليكن، مسبح للسباحة والاسترخاء، وكابن مريحة بتخلّيكن تمدّدوا هاللحظات أكتر. فيكن تقضوا نهار كامل بين البحر والمسبح، تتمدّدوا تحت الشمس، تاخدوا قعدة هادية بين الطبيعة، أو بس تستمتعوا بالأجواء بعيدًا عن العالم.

والأحلى ما ضروري يكون عندكن حجز مسبق لتعيشوا هالتجربة. فيكن تستفيدوا من دخول المسبح والشط يوميًا من الساعة 10 الصبح للـ7 المسا، بسعر $10 خلال أيام الأسبوع و$12 بالويك-اند. وبين غطسة وغطسة وقعدة عالبحر، فيكن كمان تطلبوا أكل ومشروبات بأسعار حلوة وتكمّلوا نهاركن ع راحتكن.

فيكن كمان تحوّلوا هالنهار لعطلة كاملة وتقضوا ليلة بين الطبيعة والبحر. في بيت ضيافة بموديل تراثي ل 6 أشخاص بسعر $250، وبيت تاني لـ4 أشخاص بسعر $150. وكل وحدة بتأمّن تراس خاص، BBQ، قعدة مباشرة عالبحر، وخدمات مميزة.

ولأنو كل مناسبة حلوة بدها مطرح يليق فيها، فيكن كمان تختاروا WARD The Cabin لأعياد الميلاد، الحفلات الخاصة، المناسبات والجمعات.

يعني إذا عبالكن نهار بحر روعة، قعدة هادية تحت النجوم، أو حتى ذكرى حلوة بتضلّ ببالكن! WARD The Cabin جاهز يعيشكن الصيف بكل تفاصيله الحلوة.

شوفوا كمان:

عام وببلاش…شط ضبية الرملي رجع من جديد!