طلب زواج لبناني بملعب برشلونة حصد ملايين المشاهدات

هالثنائي عاشوا لحظة طلب زواج كتير من مشجّعي كرة القدم بيحلموا فيها. شاب لبناني طلب إيد حبيبته على أرض ملعب برشلونة، قبل مباراة قوية ضمن كأس خوان غامبر. وبين برشلونة و طلب زواج، أكيد في كتير مشجعين لبنانيين تمنّوا لو كانوا محلّه!

فيكن تشوفوا الفيديو من هون، واللي شاركه حساب برشلونة الرسمي:

كانوا الاتنين لابسين كنزات برشلونة الشهيرة، بس أضافوا عليها لمسة شخصية حلوة. ع ضهر كنزة علي كان مكتوب «علي ❤️ آية»، والقلب كان على شكل العلم اللبناني. وآية قبلت بطلب الزواج، وحوّلت نهار المباراة لذكرى رح تضل محفورة بذاكرتهن طول العمر.

الفيديو انتشر بسرعة ووصل لأكتر من 18 مليون مشاهدة، وخلى لحظتهن الحلوة توصل لمشجّعين من كل العالم.

بين كنزات برشلونة، و طلب زواج ع أرض الملعب، وفوز برشلونة بنتيجة 2-1، مش مستغربين إنو هاللحظة الحلوة إجت من ثنائي لبناني.

مبروك علي وآية! ❤️

شوفوا كمان:

قانون خاص بالإنفلونسر وصانعي المحتوى بلبنان… قريباً