إذا بتحبوا التيراميسو والتشيز كيك، هيدا الحلو إلكن

إذا إنتو من الناس يلي دايمًا بيقولوا «خلص شبعت، ما بدي تحلاية»، هالمرة يمكن تغيّروا رأيكن! بـ Maison D ببيروت، في حلو جديد بيجمع بين تشيز كيك سان سباستيان الغنية ونكهات تيراميسو يلي كلنا منحبها.

تشيز كيك باسك معروفة بقوامها الكريمي والناعم من جوّا، وبطبقتها المكرملة من برّا. بـ Maison D، أخدوا هالتشيز كيك وأعطوها لمسة تيراميسو، لتطلع معن تحلاية غنية ومختلفة عن التشيز كيك العادية.

من أول لقمة، بتحسّوا بمزيج التشيز كيك الكريمية مع نكهة القهوة. تحت، في طبقة تشيز كيك باسك الغنية، وفوقها كريمة بنكهة القهوة بتعطيها طعم التيراميسو يلي منعرفه. بعدها بتجي طبقة شوكولا دايبة، وآخر شي رشة كاكاو بتكمّل كل شي.

والأحلى إنو هالحلو متوفّر حصريًا بـ Maison D ببيروت هالصيف، وبتستاهل تروحوا مشوار بس كرمال تجربوها!

تابعوهن ع انستغرام هون لتشوفوا كل شي جديد.

شوفوا كمان:

كافيه إجا من دبي ع لبنان بيقدم أشهى الحلويات!