تعرفوا ع بيلو…الببغاء اللبناني يلي انشهر من رقصتو!

هالببغاء عنده طريقة خاصة ليردّ على عيلته لما تغنّي له: بيبلّش يرقص! وهيدا الفيديو أكيد رح يسعد نهاركن. بفيديو نشرته برونيلا سماحة عالإنستغرام، كان الببغاء بيلو قاعد ع حدا، ولما بلّشت عيلته تغنّي، دغري فات بالجو وبلّش يرقص ع الموسيقى.

فيك تحضر الفيديو هون:

والأحلى إنو بيلو ما احتاج وقت ليتحمّس. أوّل ما سمع عيلته عم تغنّي، برمّ ورقص وكأنو كان ناطر هاللحظة من الأساس.

بيلو من طيور الحب، وهي ببغاءات صغيرة أصلها من جنوب غرب أفريقيا. معروفة بلونها الأخضر ووجهها البرتقالي، وكمان بطبيعتها اجتماعية وبتحب اللعب.

ورغم حجمها الصغير، طيور الحب نشيطة وذكية، وبتتعلّق كتير بالأشخاص يلي بتعيش معن. كمان بتحب الأصوات والتفاعل، ويمكن هيدا بالزبط يلي خلّى بيلو يتحمّس ويرقص أوّل ما سمع عيلته عم تغنّي.

شوفوا كمان:

كل المطاعم والكافيهات الجديدة بـOn The Promenade ع الواجهة البحرية ــ ضبية