مهرجان ع نهر الباروك، مشوار بالغابة ونشاطات للعيلة (الدخول مجاني)

إذا بعدكن عم تفتّشوا على طريقة حلوة تقضوا فيها آخر أيام الصيفية، موعدكن مع النسخة التانية من مهرجان «مواسم الباروك – الفريديس» من 18 لـ20 أيلول 2026.

المهرجان رح ينعمل ع ضفاف نهر الباروك و كمان بالباروك بالاس أوتيل، وبيجمع كل شي بيخلّي الويك إند بالجبل أحلى: أكل ومنتجات محلية، موسيقى، طبيعة، فن، ونشاطات لكل العيلة.

شو فيكن تعملوا خلال مهرجان «مواسم – الباروك فريدس»؟

خلونا نخبركن شو ناطركن نشاطات وفعاليات خلال مهرجان مواسم:

تسوّقوا من السوق الزراعي

رح تلاقوا خضرة وفواكة طازة، مونة بيتية، مأكولات ومنتجات محلية وغيرها.

خلّوا الولاد يعيشوا تجربتهن

مع «جواز سفر مواسم»، الولاد فيهن يمرقوا على محطات تفاعلية، يعملوا نشاطات ممتعة ويتعلّموا من خلال اللعب.

جرّبوا نشاطات بالطبيعة

من الزراعة وزرع الشتل للأعمال الفنية وإعادة تدوير البلاستيك، في نشاطات بتجمع بين الطبيعة والفن.

استمتعوا بالسهرات المجانية

السهرات الفنية مجانية، ومعكن يوم الجمعة PAVO والسبت الأخوين شحادة.

عيشوا مغامرات بالجبل

ركوب خيل، إطعام الحيوانات، سفاري و دراجات رباعية الدفع بانتظاركن.

اعملوا هايكنغ بمحمية أرز الشوف

فيكن تستكشفوا المحمية بالمشي والهايكنغ، مع دخول مجاني عمع مجموعات الهايكنغ نهار السبت.

اكتشفوا الحرف والفنون

رح تلاقوا حرف تراثية، فخار، فن تشكيلي، ورسم مباشر قدامكن.

تعرّفوا على تاريخ المنطقة

في كمان جولات على المواقع الدينية والأثرية بالمنطقة.

وبعد في أكتر!

حسم من مطاعم الباروك وحاجز المحبة رح يكونوا كمان جزء من التجربة.

والأحلى إنو الدخول مجاني. يعني كل اللي عليكن هو تجمعوا العيلة أو الرفقة وتتوجّهوا ع الجبل.

شو لازم تعرفوا؟

📍 ضفاف نهر الباروك وكمان الباروك بالاس أوتيل
📅 18 و19 أيلول: من 4 بعد الضهر لنص الليل
📅 20 أيلول: من 2 بعد الظهر للـ8 المسا
🎟️ الدخول مجاني

شوفوا كمان:

9 محلات ببيروت إذا بتحبّوا الكاسيتات والفينيل