أشهر عروض الباليه العالمية جاية ع لبنان… هيك فيكن تحجزوا

بعد النجاح الباهر لعرض Swan Lake السنة الماضية، فرقة Moscow Ballet La Classique راجعة ع لبنان لتاخد الجمهور من جديد بعالم الباليه والسحر والرومانسية. الفرقة رح تكون ع مسرح كازينو لبنان نهار الأحد 1 تشرين الثاني 2026، الساعة 8 المسا، لتقدّم Swan Lake على موسيقى تشايكوفسكي الخالدة.

شو ناطركن؟

Swan Lake أو بحيرة البجع بتحكي قصة حب الأمير سيغفريد وأوديت، الأميرة اللي وقعت تحت لعنة حوّلتها لبجعة بالنهار وامرأة بالليل.

لما بيقع سيغفريد بحب أوديت، بيوعدها إنّه يعمل المستحيل ليكسر اللعنة ويرجّعلها حياتها من خلال الحب الحقيقي. لكن الساحر الشرير روثبارت بيتدخّل وبيخدعه، وبيخلّيه يعترف بحبّه لبنته أوديل، اللي بتتنكّر بشكل أوديت.

بين الحب المستحيل، الخيانة والدراما، بتاخدنا القصة بعالم ساحر من الأزياء المميّزة والرقصات الخالدة، وبتخلّي Swan Lake واحدة من أجمل كلاسيكيات الباليه، سواء كنتوا من محبّي الباليه أو عم تكتشفوا هالعالم للمرة الأولى.

أسعار التذاكر:

في عدّة فئات متوفرة للمقاعد، والأسعار بتبلّش من $60.

Premium
البلكون – $150
الصالة – $150

Platinum
البلكون – $130
الصالة – $130

Gold
البلكون – $100
الصالة – $100

Silver
البلكون – $80

Bronze
البلكون – $60
الصالة – $60

وفي كمان خصم 10% للحجز المبكر لحدّ 7 أيلول، يعني هيدي فرصتكن تحجزوا مقاعدكن بسعر أقل. فيكن تحجزوا تذاكركن من هون.

تاريخ ومكان العرض:

📅 الأحد 1 تشرين الثاني 2026
⏰ 8 المسا
📍 كازينو لبنان

إذا كنتوا من محبّي الباليه، أو حابين تجرّبوا هالنوع من العروض للمرة الأولى، Swan Lake رح تكون فرصة لتعيشوا واحدة من أشهر قصص الباليه على المسرح. حضّروا حالكن لسهرة مليانة موسيقى، رقص ودراما بكازينو لبنان.

شوفوا كمان:

ماركة NARS العالمية رح تفتح أول فرع إلها بلبنان