هالمطعم عم يشارك بالتوعية بسرطان الثدي بطريقته الخاصة!

عبالكن جوانح دجاج؟ بهالشهر مطعم، WINGMEN عم يشارك بالتوعية بسرطان الثدي، وعم يضيف لمسة زهرية عالمنيو لدعم هالقضية.

WINGMEN عم يتعاون مع جمعية بربارا نصار لدعم مرضى السرطان، من خلال صنف جديد عالمنيو، وكمان فرصة للزبائن يساهموا بهالمبادرة. المحل أطلق صوص Pink Raspberry الزهري، المتوفّر لفترة محدودة خلال شهر التوعية.

وكمان، رح يكون في صندوق للتبرّعات مع الفاتورة، ليقدر كل زبون يتبرّع بالمبلغ اللي بناسبه. وكل مساهمة، مهما كانت صغيرة، بتساعد جمعية بربارا نصار بدعم مرضى السرطان.

سرطان الثدي هو أكتر أنواع السرطان انتشارًا بين النساء بلبنان، وبيشكّل حوالي 35% من حالات السرطان اللي بتتشخّص عند النساء بالبلد. من هون بتجي أهمية التوعية، والكشف المبكر، ووقفة الدعم حدّ المرضى خلال رحلة العلاج.

يعني إذا رح تزوروا WINGMEN هالشهر، فيكن تستمتعوا بجوانحكن المفضّلة، تجرّبوا صوص Pink Raspberry، وكمان تضيفوا تبرّع عالفاتورة وتساهموا بدعم هالقضية. لأنو كل مساهمة، مهما كانت بسيطة، بتعمل فرق.

شوفوا كمان:

لمحبي الدجاج الكرسبي، هيدا المحل الجديد بمار مخايل إلكن!