كيف تشاركوا بالمشي الوردي ببيروت للتوعية بسرطان الثدي؟

عم تفتّشوا عن طريقة تشاركوا فيها بالتوعية بسرطان الثدي بهالشهر؟ فعالية المشي الوردي Pink Walk جايي ع بيروت بنهار كامل من النشاطات الصحية والترفيهية.

هالنشاط المجاني من تنظيم جمعية باربرا نصار وبالتعاون مع وزارة الصحة العامة، و رح يكون بفوروم دو بيروت من الساعة 11 الصبح للساعة 6 المسا. فيكن تستفيدوا من استشارات طبية وفحوصات صحية مجانية، وتزوروا سوق فيه أكل صحي ومنتجات مختلفة، وتحضروا عروض مباشرة، وتشاركوا بنشاطات لكل الأعمار.

كمان، رح يكون في زوايا للتجميل والحلاقة، ومنطقة ألعاب للولاد، وجلسات حوارية مباشرة مع مشاهير وخبراء بالصحة. وأبرز فقرة بالنهار هي الـ Pink Walk الجماعي، اللي رح ينطلق الساعة 4 المسا، لنجتمع كلنا بهدف التوعية عن سرطان الثدي وندعم المرضى.

هيدا هو البرنامج الكامل

11:00 – فتح الأبواب

12:30 – تمارين التحماية مع Steel Programs Middle East

1:30 – جلسة حوارية للتوعية

2:00 – لقاء مع المشاهير

2:30 – زومبا مع Goodlife Fitness

2:50 – نصائح غذائية مع كريس نصراني، رائد أعمال، صانع محتوى ومستشار تغذية

3:00 – يوغا الضحك مع الممثل اللبناني وسام صباغ

3:30 – تجارب مرضى مع سرطان الثدي

3:45 – كلمة لملكة جمال لبنان 2023 مايا أبو الحسن

3:50 – كلمة لرئيس الجمعية هاني نصار

3:55 – كلمة لوزير الصحة العامة الدكتور ركان ناصر الدين

4:00 – المشي الوردي

5:00 – سحب التومبولا

رح يقدم الحث الممثل اللبناني أنجو ريحان.

وفي أكتر من طريقة فيكن تدعموا فيها جمعية باربرا نصار خلال شهر التوعية بسرطان الثدي. بتعرفوا إنّ الجمعية عم تتعاون كمان مع WINGMEN؟ شوفوا الفيديو لتعرفوا أكتر

تأكد تزور قسم #التوعية على موقعنا لتشوف محتوى أكتر متل هيدا.

شوفوا كمان:

هالمطعم عم يشارك بالتوعية بسرطان الثدي بطريقته الخاصة!