وين تضهروا برات بيروت؟ 9 أماكن بتستاهل المشوار

اكتشف: جواهر مخفية

مين قلكن الأماكن الحلوة بس ببيروت؟ في كتير مطارح برّات العاصمة بتستاهل تكتشفوها، من كافيهات مميزة لمطاعم وأماكن بتغيّرلكن جو. جمعنالكن 9 أماكن برات بيروت منحسّ إنّها بتستاهل تكون ع ليستا ضهراتكن الجايي!

1. The Circle Book Cafe، زوق ميكايل

إذا بتحبّوا الكتب والقهوة، هالمكان إلكن! The Circle Book Cafe هو كافيه ومكتبة بنفس الوقت، وفيه فيكن تتصفّحوا الكتب، تشربوا قهوتكن، أو تقضوا كم ساعة بالدرس ع رواق.

المكان مناسب كمان إذا بدكن تشتغلوا من محل غير البيت، تتبادلوا الأفكار مع رفقاتكن، أو حتى تقضوا وقت هادي مع كتاب. وفيه غرفة دراسة خاصة فيكن تحجزوها بالساعة، خدمات طباعة، وألعاب طاولة إذا كنتوا مع أصحابكن.

فيكن تمرقوا تطبعوا أوراقكن، تدرسوا، أو تاخدوا بريك مع قهوة وشي حلو. المنيو فيه كل شي منحبّه، من الإسبريسو والآيس تي، للشايك والماتشا فرابيه، والكرواسان والكيك والسناكات الخفيفة.

وحتى لو مش ناويين تشتروا شي، المكان مثالي لتغيّروا جو وتقضوا وقت مع كتابكن المفضل. بس خلّينا نكون صريحين، أكيد رح تطلعوا ومعكن عالقليلة كتاب أو كتابين.

وإذا ناويين تزوروا معرض بيروت العربي الدولي للكتاب، ما تنسوا تمرقوا ع جناح The Circle Bookshop بـ F7، وThe Circle Kids بـ F6، وThe Manga Store بـ F17.

تابعوهن ع إنستغرام للمزيد!

📍 العنوان

جنب Beast Feet، زوق ميكايل

اكبس هون لتشوف الموقع بالتحديد.

⏰ الدوام

كل يوم من الساعة 10 الصبح للـ 10 المسا

📞 للتواصل

رقم الكافية: 166 726 70

أما رقم The Circle Bookshop (المتجر): 906 047 81  

رقم The Circle Kids (للولاد): 658 649 81

2. Seravie Cafe، نقاش

القهوة بتكون أطيب بكتير لما تشربوها بجنينة خضرا، خصوصاً إذا في أرانب كمان! Seravie Cafe هو متل واحة خضرا بعيدة عن جو المدينة، وفيكن فيه تشربوا قهوة مختصّة، تجرّبوا مخبوزات طازة، أو تاكلوا آيس كريم، وبعدين تقعدوا حدّ البركة الصغيرة وتستمتعوا بالجو.

📍 العنوان

بالقرب من الـSUD، النقاش

اكبس هون لتشوف الموقع بالتحديد.

⏰ الدوام

كل يوم من الساعة 8 الصبح للـ 11 بالليل

📞 للتواصل

الرقم: 050 300 79

3. Flora Escape، أنطلياس

إذا بتحبّوا النباتات والقهوة والقعدات بين الخضار، ضيفوا Flora Escape ع ليستا الأماكن يلي بدكن تزوروها! هالمكان بيجمع بين المشتل والكافيه ومساحة للإبداع، يعني في كتير شغلات فيكن تعملوها غير إنكن تقعدوا وتشربوا قهوة.

تفرّجوا عالنباتات، شاركوا بورشة عمل، أو اختاروا زاوية هادية تقروا فيها وتستمتعوا بالشمس. وإذا عبالكن تبعدوا شوي عن جو المدينة، هالمكان بيقدّمكن قعدة مختلفة ومحاطة بالطبيعة.

📍 العنوان

جنب Fun Lab، أنطلياس

اكبس هون لتشوف الموقع بالتحديد.

⏰ الدوام

من الإثنين للجمعة، من الساعة 8 الصبح للـ 4:30 بعد الضهر

السبت، من الساعة 8 الصبح للـ 1:30 بعد الضهر

📞 للتواصل

الرقم: 713 561 03

4. Giuseppe، أنطلياس

عبالكن أكلة إيطالية طيّبة؟ Giuseppe هو مطعم إيطالي بأنطلياس بيخلّيكن تحسّوا حالكن بريف إيطاليا، مع أطباق كلاسيكية وجو حلو. إذا بتحبّوا تكتشفوا مطاعم جديدة، هيدا المكان بيستاهل التجربة، سواء مع حبيبكن أو مع أقرب رفقة إلكن.

📍 العنوان

جنب Fizz Zone، انطلياس

اكبس هون للموقع بالتحديد.

⏰ الدوام

كل يوم من الساعة 12 الضهر لنص الليل

📞 للتواصل

الرقم: 593 493 76

5. BRÛME Coffee Bar، جل الديب

إذا عبالكن قهوة طيّبة بمحل جديد، جرّبوا BRÛME Coffee Bar بجلّ الديب! عندن أصناف بتستاهل التجربة، ومحل حلو تضيفوه ع لائحة الكافيهات يلي عبالكن تكتشفوها.

📍 العنوان

جنب AZAI، جل الديب

اكبس هون لتعرف الموقع بالتحديد.

⏰ الدوام

كل يوم من الساعة 7 الصبح للـ 11 بالليل

📞 للتواصل

الرقم: 565 565 70

6. OURS Café، زحلة

إذا كنتوا بزحلة وعبالكن قهوة وقعدة حلوة، OURS Café من الأماكن يلي فيكن تمرقوا عليها. الكافيه معروف بديكوره الموسمي المميّز، يلي بيتغيّر حسب المناسبة والفصل، وهالشي بيخلّيه خيار حلو لطلعة خريفية. وهلّق، مع منيو الخريف الجديدة، فيكن تجرّبوا لاتيه السينابون تبعن وتستمتعوا بأجواء الموسم

📍 العنوان

الميدان، زحلة

اكبس هون لتشوف الموقع بالتحديد.

⏰ الدوام

كل يوم من الساعة 8 الصبح للـ 11 بالليل

📞 للتواصل

الرقم: 238 394 03

7. Cakes & Cookies، النقاش

إذا الحلويات هي السبب الأساسي يلي بيخلّيكن تضهروا من البيت، لازم تجرّبوا Cakes & Cookies بالنقّاش! المحل معروف بالكعكات والكوكيز والحلويات، وكمان عندن أكلات مالحة. يعني فيكن تمرقوا تاخدوا شي حلو، أو تقعدوا وتستمتعوا بوجبة خفيفة مع قهوة.

📍 العنوان

حد Go Light Gourmet، النقاش

اكبس هون لتعرف الموقع بالتحديد.

⏰ الدوام

من الإثنين للأحد من الساعة 8 الصبح للساعة 10 بالليل

📞 للتواصل

الرقم: 785 177 76

8. The Daring Italian، جل الديب

إذا بتحبّوا الأكل الإيطالي، The Daring Italian بيقدّملكن تجربة بتجمع بين الأطباق الكلاسيكية واللمسات اللبنانية المميّزة.

من الباستا والبيتزا للأطباق التانية، في خيارات بتناسب أكتر من ذوق. بس ما تخلّصوا أكل وتفلّوا دغري، لأنّ التيراميسو عندن كمان بيستاهل تتركولو محل!

📍 العنوان

قريب من كبابجي، جل الديب

اكبس هون لتشوف الموقع بالتحديد.

⏰ الدوام

من الإثنين للجمعة، من الساعة 10 الصبح للـ 11:30 بالليل

السبت والأحد، من الساعة 10 الصبح للـ 1 بعد نص الليل

📞 للتواصل

الرقم: 682 026 03

9. The Space، برمانا

عبالكن قعدة بمحل فيه طبيعة وتراث وفن؟ The Space ببرمانا موجود ببيت تراثي بيتميّز بحيطانه الحجرية القديمة وقناطره العالية، ومعه قعدة برا بتطلّ ع الجبال.

فيكن تمرقوا تشربوا قهوة، تكتشفوا أعمال فنية محلية، أو تشاركوا بجلسة يوغا إذا عبالكن تعملوا شي مختلف. وإذا بدكن تهربوا شوي من الروتين وتقضوا وقت بمحل إلو طابع خاص، هيدا المكان بيستاهل الزيارة.

📍 العنوان

الطريق الرئيسية، برمانا

اكبس هون لتشوف الموقع بالتحديد.

⏰ الدوام

من الاثنين للأحد من الساعة 8 الصبح لـ 12 بالليل

📞 للتواصل

الرقم: 761 200 70

في مطارح لازم نزورها برات بيروت وما ذكرناها؟