هدايا مميزة ممكن تهدوها لرفقاتكن بالمناسبات.. وأفكار كتير غريبة

كلنا بنحتار بس نكون بدنا نجيب هدايا لرفقاتنا وأصحابنا بالمناسبات. من هون انطلقنا وحبينا نجيبلكن افكار مميزة تقدروا تهدوها لأصحابكن وكتير ينبسطوا فيها.

١. أشكال بالـ Wire

من الهدايا الكتير بسيطة بس ممكن الشخص لي يحصل عليها يلاقيها كتير مميزة. لأن ببساطة بهيدا المعدن البسيط فيكن تكتبوا اسمه للشخص أو تعملوا شكل كتير بيحبوا وهو منااسب لكل المناسبات السعيدة. ولهيك اخترنالكن حدا من الأشخاص لي بيعمل هالفنّ الحلو.

الرقم: 03746008

٢. الـ crochet

كمان وحدة من الهدايا المميزة يلي ممكن تهدوها لرفقاتكن حلق أو T-shirt أو حتى dream-catcher مصنوعة من الصوف والـ crochet وبالوان كتير حلوة. كمان اخترنالكن محل كتير حلو، صبية قررت تفتح هالمشروع لإلها وشغلها كتير حلو.

الرقم: 71167297

٣. جزادين ودفاتر مميزة

الهدية التالتة يلي ممكن تهدوها وهي جدًا مميزة وبعيدة كمان عن القصص التقليدية يلي بتنهدى بالعادة هي جزدان أو دفتر أو حتى صينية للبيت إذا حبيتوا تهدوها لشي عروس. بس مش قصص عادية بالعكس هي بتجي customized مرسوم عليها أشكال مميزة مفروض الشخص يلي عم تهدوا ياها يكون بيحبا وكمان فيكن تكتبوا عليها الاسم أو عبارة مهضومة حتى وهي مناسبة للكل. ولهيك شوفوا هالصبية شغلها شو حلو:

الرقم: 81229480

٤. رسومات مميزة

متل ما شفنا الهدايا كلها الموجودة بهيدا المقال هي مميزة ومنا من النوع يلي معودين عليه، بس كتير مناسبين للشباب والصبايا يلي بيحبوا القصص المميزة. هون لح نعرفكن على نوع جديد من الهدايا، للاشخاص يلي رفقاتن بيحبوا الرسم والقصص الفنية، فيكن تعملولن رسومات على دفاتر أو حتى لوحات فنية مميزة يحطوها عندن بالغرفة او البيت وتضل تذكرن فيكن. وكرمال هيك ولندعم الـsmall businesses شوفوا هالصبية شو بتعمل قصص حلوة.

بتطلبوا الـorders عبر هيدا الرابط.

٥. التطريز

وحدة من أحلى الهدايا يلي ممكن كمان تعطوها لأصحابكن هي القصص المطرزة يلي بتعملوها لإلن بشكل مميز. يعني شوفي أحلى من إنه تهدوهن تارة مطرزة باسمن أو القصص يلي بيحبوها أو sac صغيرة أو حتى مقلمة الـmakeup للصبايا ليحسوا انه هيدي الشغلة مصنوعة الن لوحدن ومميزة عن باقي الهدايا.

شوفوا هالمحل وتواصلوا معن على إنستاغرام.

٦. ألبوم صور مميز

وحدة من الهدايا المميزة يلي فيكن تهدوها لرفقاتكن او أهلكن أو حتى الشخص لي بتحبوا هو ألبوم صور بيجمعكن معه وبيجمع كل الذكريات الحلوة.

كرمال هيك لح نعرفكن عمحل بيعمل الصور بطريقة مميزة ومش بس هيك كمان بيعمل mugs مميزين وقصص كتير حلوة للولاد الصغار.

الرقم: 71835490

٧. نبتة مميزة وcustomized

للأشخاص يلي بيحبوا النباتات والزراعة، أحلى هدية ممكن تقدمولن ياها هي نبتة مميزة ويحسوها خلقت ليهتموا فيها وحدن. لهيك اخترنالكن محل بتقدروا تجيبوا منه أحلى نبتة مع pot مميز عليه اشكال ورسومات كتير حلوة.