الزيت اللبناني على عرش العالمية: ميدالية دهبية بمسابقة IOOC

من أقرب الاشيا على قلوب اللبنانيين هيي قنينة زيت الزيتون، القنينة اللي ما بتفارق جمعتنا وسفرتنا وتراثنا، ورحلتها من وقت تحويش الزيتون لتوصل على المعصرة بالضيعة بتلخص حبّنا لبلدنا لبنان وأديه منفتخر فيه. وإذا انتو من محبيّ زيت الزيتون، جبنالكن خبرية حلوة!

ماركة زيت الزيتون اللبنانية “دار ميس Darmmes” حملت إسم لبنان بالعالي، وبكل فخر ربحت الميدالية الدهبية لسنة ال 2023 بالمسابقة الدولية لزيت الزيتون بنيويورك NYIOOC World Olive Oil Competition، وهالمسابقة هي أهمّ وأكبر منصة عالمية لتقييم جودة زيت الزيتون وبتتضمّن أصناف متنوّعة من زيت الزيتون من حول العالم.

#LebanonAgainstAllOdds
Lebanese olive oil brand #Darmmess was wins the 2023 Gold Medal at the @nyiooc World Olive Oil Competition
Congratulations to Rose Bechara👏🏻💚founder of #Darmmess Olive Oil and the Lebanese representative of "Women In Olive Oil” #LebaneseOliveOil pic.twitter.com/Bv2SHeq8pk

— Rula El Halabi (@Rulaelhalabi) April 8, 2023

وبتتميز كل قنينة زيت زيتون Darmmes High Phenolic بطعم فريد ومتجانس مع بعضو من المرورة والحدية من جهة، والريحة الفاكهية من جهة تانية، وهاي الطعمة المميزة اللي رح ترافق سفرتكن وتكمّل قعداتكن.

بلشت قصة هالزيت الزيتون Darmmess Extra Virgin Olive مع اللبنانية روز بشارة مؤسسة العلامة التجارية Darmmess بسبب تعبها وجهدها اللي انحصد بالمسابقة وصل هل زيت للعالمية، وهي مواليد ضيعة زغيرة بقضاء مرجعيون بجنوب لبنان اسمها دير ميماس، مغطاية بتلال شجر الزيتون اللي عمرها ألوف السنين، ومشهورة بجودة وطعمة الزيت اللي فيها ونوعية ترابها الممتازة وطبيعة أرضها الخصبة، قصة بتعبر عن حبّ للأرض وإنتماء للوطن وفخر بالتراث اللي روز حبّت تشاركها مع العالم كلو عبر هالمسابقة!

وإذا حابين تعرفوا أكتر عن هل زيت الزيتون، زوروا الموقع الخاص فيهن هون، وللمزيد من المعلومات، اتصلوا على 516 116 03.

شوفوا كمان، بتعرفوا معنى هل-٣٠ عبارة جنوبية؟