مشوار على ١٥ من أطيب مطاعم البقاع

مشوار الخريف ما بيكمل من دون طلعة على البقاع ! اليوم رح نعمل برمة على أطيب مطارح بالمحافظة كلها، من زحلة، وبعلبك، والبقاع الغربي. ورح نخبركن عن 15 من أطيب مطاعم البقاع كله!

قضاء زحلة:

1. قدموس رستو كافيه – كاسكادا مول، تعنايل

مطعم قدموس بيقدم غدا مع منظر البحيرة، أكل لبناني وعالمي، وجو للعيلة كتير حلو! 

الرقم: 115 115 81

2. مزرعة لقيس ، زحلة و شتورة وبعلبك

اللي عبالوا أطيب صفيحة بعبلكية وأكل طازة من المزرعة، ضروري يجرب الأكل عند لقيس!

الرقم: زحلة 490 931 08 – شتورة 490 542 08 – بعلبك 029 666 71

3. الخان المقصود، تعنايل

مطعم بياخدكن على جو الضيعة بالبقاع، بتاكلوا لقمة بلدية وبتستمتعوا بقعدة تراثية بالطبيعة.

الرقم: 279 124 03

4. وادي شمسين ، برالياس

بتلاقوا عند وادي شمسين قعدة ساحرة جنب البحيرة، جو كتير حلو للجمعات الكبيرة والعيل، ألعاب ونشاطات للولاد، وأكل بقاعي طيب.

الرقم: 377 677 81

5. Chez Gio Gio، زحلة

لكل محبي البيتزا، بتلاقوا بزحلة مطعم بيعمل بيتزا إيطالية على الحطب غير شكل وبمختلف الأصناف الشهية.

الرقم: 884 882 08

6. مطعم أمالين – تعنايل

كل شي من الأطباق الشرقية، الطبخات اللبنانية، وحتى المأكولات البحرية ناطرتكن عند مطعم أمالين، عندو منظر حلو للبحيرة ولقمة غير شكل.

الرقم: 000 600 81

7. مطعم نبع عنجر ، عنجر

مطعم نبع عنجر مش بس عندو لقمة طيبة بس كمان قعدة على صوت النبع وطاحونة المي مع جو مميز للعيلة كلها!

الرقم: 111 622 08

8. مطعم الشمس،عنجر

واحد من أشهر مطاعم البقاع، مشهور بالقعدة الحلوة، الجنينات الملونة، وبتقديم الأكل اللبناني والأرمني على أصوله.

الرقم: 800 620 81

9. مطعم جزيرة عنجر، عنجر

ناطركن عند مطعم جزيرة عنجر أطيب أكل البقاع مع تراس فوق الميّ وجلسة عائلية وملاعب للولاد.

الرقم: 733 620 08 – 340 810 03

10. مطعم رازميغ، عنجر

مطعم رازميغ بيعمل الأكل الأرمني على أصوله! عندو جو ريفي غير شكل وقعدة بالطبيعة جنب النهر.

الرقم: 822 620 08

11. البستان، برالياس

مطعم بالهوا الطلق للبوفيهات المميزة بالطبيعة، قعدات العيلة بالجنينة، والألعاب الحماسية للولاد.

الرقم: 898 502 03

قضاء بعلبك:

12. مطعم قصر بعلبك، بعلبك

مطعم قصر بعلبك بقدملكن قعدة ملوكية بقلب بيت تاريخي. عندو سفرة مليانة وجو غير شكل للعيلة.

الرقم: 666 377 08

13. مطعم سما بعلبك، بعلبك

مطعم بالهوا الطلق، عندو قعدة جنينة بين الورد وأكل طيب ومتنوع.

الرقم: 007 004 76

قضاء البقاع الغربي:

14. ليالي القمر، عميق

مطعم ليالي القمر بيقدم أكل بقاعي طيب وقعدة بتطل على سهل البقاع بتاخد العقل.

الرقم: 388 045 70

15. طاولة عميق، سهل البقاع

طاولة عميق مطعم للبوفيهات غير شكل، وبيقدم لقمة ضيعة على أصولها. عندو قعدة بترد الروح خصوصي هلق بموسم الخريف مع أجمل إطلالة لسهل البقاع!

الرقم: 481 004 03

شوفوا كمان، شو ناطركن بالضيعة؟ مشوار على أطيب ١٠ مطاعم بضيع حول لبنان