٧ محلات عندن أطيب ترويقة ببيروت!

ما بيكمل نهاركن الصبح من دون ترويقة غير شكل! مشو معنا نعرفكن على ٧ محلات مهضومة ولذيذة ببيروت بتحضرلكن ترويقة لبنانية أصيلة.

١. كافي المنارة، المنارة

بلشوا نهاركن الحلو بترويقة بلدية غير شكل من مناقيش وفول وحمص على البحر دغري مع فنجان شاي.

الرقم: 949 364 01

٢. بيت كنز، الأشرفية

عبارة عن بيت بيروتي أصيل بقدم ترويقة ملوكية من مناقيش وحمص وفول ولبنة وحلوم مع كعك وقهوة وأغاني فيروز.

الرقم: 098 777 81

٣. غران كافي Grand Café، الروشة

قاعد على البحر وبقدم ترويقة لبنانية مشكلة من مناقيش، فول وحمص وبيض وقصص بستلحلوها الصبح مع شفة قهوة ومنظر بطير العقل.

الرقم: 830 830 70

٤. دار الوردية، الحمرا

جوهرة مخفية بقلب بيت بيروتي عتيق، بقدم كل أصناف الترويقة البلدية والقروية ومن القصص المميزة لي فيكن تجربوها عندن البايكن على شمندر لي محضر طازة من تحت ديات الشيف ومش بس هيك كمان بيتفننوا بالحلو والأصناف الغريبة.

الرقم: 348 373 01

٥. البيروتي، داونتاون

عبارة عن قهوة بيروتية مهضومة وخرج قعدة الصبح مع أطيب الأصناف من الجبنة واللبنة والزعتر والخبز الفريش لتبشلوا نهاركن صح.

الرقم: 820 989 01

٦. بوتي كافي Petit Café، الروشة

هالمحل ما في شي بضاهي الصبحية في عبكرة الصبح، مناقيش ولبنة وجبنة وخضرا وبيض عقاورما وكل شي في أصناف بتخطر عبالكن على الترويقة وأكيد فنجان قهوة بيعجب خاطركن.

الرقم: 017 808 01

٧. قهوة زيتونة، الزيتونة باي

لمحبي الرواق على بكرة الصبح ولكل حدا عبالو يبلش نهارو صح ما إلكن غير صبحية عند الزيتونة مع أصناف متل الحمص والعجة والمناقيش والبيض عقاورما وفتة وحلويات غير شكل.

الرقم: 357 370 01

شوفوا كمان، ١٧ طبق حلو عربي لازم تجربوا من هالمحلات بلبنان!