تيتا لبنانية تعلمت السواقة بعمر 82 سنة!

خبرية اليوم كتير مهضومة ورح تخلي قلبكن يضحك، في تيتا لبنانية مهضومة كتير وفرحة قررت تتعلم السواقة على عمر 82 سنة. كان حلمها من هي وزغيرة إنها تتعلم السواقة بس ما قدرت تحققوا وبعد مرور السنين ضل هالحلم عايش لحد ما إجا نهار وقررت إنو لو شو ما صار صار لازم تحققو.

من وقت ما كانت صبية وكان حلمها تتعلم سواقة وما عطيوها دفتر سواقة، بس من بعد 82 سنة، حققت حلمها. وبتخبر إنو النهار لي لقطت في الدركسيون حست بشعور لا يوصف كأن رجع عمرها 12 سنة.

التيتا بتسوق بالضيعة، بتروح ويتجي على الدكانة وبتروح على الصبحية وبتسلم على العالم والناس على الطريق وعلى الجيران…ما أهضمها.

وبتخبر عن تجربتها إنو هي وعم تتعلم سواقة كانت تمرق حد ناس صبايا وشباب يمبسطوا فيها قد الدني لأن التيتا عم تتعلم سواقة بعد هالعمر كلو.

نصيحتها لكل بنوت أو ست أصبية إنها تتعلم السواقة لو قد ما كان عمرها “لو كانت بعمري معليشي مش عيب”.

ونحنا منقلها يا تيتا منحبك كتير والله يخليكي بهالهمة وانشالله بتحققي كل أحلامك!

تعرفوا على التيتا بهالفيديو:

شوفوا كمان، ١٣ كلمة لبنانية جايي من اللغة الفارسية.