بالفيديو: كلب هاسكي بيحب يتدلّع ع تيتا لبنانية

خلونا نحضّركن فيديو مهضوم رح يرسم البسمة ع وجكن. انتشر ع السوشيال ميديا فيديو بيجنّن عن كلب هاسكي عم يتدلّع على تيتا لبنانية، وكتير حبّوه الناس. حضروا هون: 

كاسبر هو كلب هاسكي بيضل قاعد بحضن التيتا وعم يتدلّع عليها متل الولد الزغير. ومن جهتها، التيتا كانت عم تدلعو وتملّس عليه، ولمّا توقف يحس حالو غلط ويصير ينكزها. بالفيديو، كاسبر كان مبسوط على الآخر والتيتا عم تضحكلو. المتابعين ما قدروا إلا يعبروا عن إعجابن بهضامة هالكلب. 

وبفيديو تاني، كاسبر قاعد جنب تيتا وما يخليها تنام لأنو بدو يضل جنبها هو وأختو الكلبة بيلا، وبكل هضامة بتقول تيتا “ولك آخخخ…سوري إذا مزعوج يعني؟” حضروا هون:

 ولمّا إطلع بالشباك قالتلو “فيه شي وحدة بدك تشوفها تحت؟”

الفيديو بيعكس الروح الحلوة يلي عند الستات اللبنانية، يلي ما بيبخلوا بالحنيّة حتى عالحيوانات! التيتا والهاسكي خطفوا القلوب، وكلنا صرنا نتمنى نلاقي كلب يتدلّع علينا متل هالهاسكي المدلل!

مش أوّل مرة منخبركن عن كاسبر، شوفوا آخر مرة كيف ما قبل يقوم من حضن تيتا هون. وما تنسوا تابعوا حسابن هو وإختو بيلا هون لتشوفوا أهضم الفيديوهات.