50$ مزورة بلبنان… شو القصة؟

هالأيام، الناس بالسوق اللبناني صارت تشك بأي ورقة 50$ بتطلع بوجها. ليش؟ لأن ضبطوا كميات كبيرة من الـ50$ المزورة، وحتى الـ100$ القديمة صار البعض يرفضها بس لأنها قديمة!

هالقصة الجديدة عملت حالة رعب بين التجار والمواطنين. صرنا كلنا خايفين نحمل مصاري مزورة من دون ما نعرف. عن جد، كيف بدنا نميز؟ الحل الوحيد، بحسب الصرافين، إنكن تراجعوا لصراف رسمي إذا عندكن شك بأي ورقة دولار.

الأرقام والأحرف اللي لازم تنتبهوا منها بـ50$ مزورة

لتكونوا حذرين أكتر، لازم تنتبهوا إنو في عملات مشبوهة بالسوق بتبلّش بهالأرقام وبتنتهي بهالأحرف:

مش بالضرورة تكون مزورة 100%، بس إذا شفتوا شي قريب لهالتركيبة، الأفضل تتأكدوا منها عند الصراف.

الأخبار منيحة شوي: الجهات المسؤولة عم تشتغل على استيراد أجهزة ومكونات جديدة بتساعد على كشف التزوير. قالوا لما توصل هالمكونات، بيصير الموضوع أسهل وبيقدر الكل يتأكد من الدولارات. بس لوقتا، إذا شفتوا أرقام معيّنة أو حروف، خدوا حذركن.

الناس العاديين ما بيفهموا بكل تفاصيل الدولار المزور. إلا إذا كان العيب واضح متل فرق اللون أو شكل الطباعة، رح يكون صعب كتير نعرف الحقيقة. وكلنا معرضين نوقع بالفخ، خاصة إنو التزوير هالأيام صار ذكي ومخيف.

لتكونوا بأمان، جرّبوا تتعاملوا مع مصاري جديدة ونضيفة. وإذا عندكن شك بأي ورقة، ما تترددوا تروحوا لعند صراف معروف.

شوفوا كمان، حزروا شو؟ “عيلة ع فرد ميلة” راجع بموسم جديد!