بيت مهجور صار مساحة لتتعلّموا الفخار بالأشرفية!
أوقات، كل اللي منحتاجه هو مطرح بسيط نهرب عليه شوي… نوقف، نشتغل بإيدينا، ونتذكّر جمال اللحظات الصغيرة. من قلب جعيتاوي بالأشرفية، بيت لبناني قديم ومهجور رجعتلو الحياة. Poiema House هو مساحة هادية وملجأ دافي للإبداع، للناس اللي بدها تاخد بريك من ضغط الحياة وتعيش لحظات أبطأ، أهدى، وأجمل.
بهيدا البيت الساحر، فيك تتعلّم الفخار من الصفر، توسّخ إيديك شوي، وتخلق قطعة فنية خاصة فيك. سواء كنت جايي لحالك، مع شريكك، أو مع أصحابك، التجربة هون حميمة، مريحة، وبتحسّسك كأنك ببيتك.
بـ Poiema House فيك تستمتع بـ:
• جلسات فخار وWood Turning
• ورشات أسبوعية للحرف والفنون مثل الكروشيه، صناعة الشموع، وSip & Paint
• مساحة خاصة لجلسات خاصة، أعياد ميلاد، ومناسبات صغيرة
كل الأدوات والمواد مؤمّنة، والمدرّبين موجودين دايمًا ليرافقوك خطوة بخطوة، يعني ما بدك أي خبرة مسبقة… بس تجي وتترك حالك للتجربة.
وأحلى شي؟ إنك عم تقضي وقتك ببيت لبناني تقليدي، مع فنجان قهوة، أجواء دافية، ناس جداد، وطاقة حلوة بتردّلك روحك.
بالأساس،Poiema House هو الامتداد لـ Poiema… وإذا بعدك ما جرّبت الفخار، يمكن هيدا يكون المكان المثالي لتبلّش. تابعوهن ع انستغرام هون.
