أصغر شيف لبناني…ليام عم يعلمنا الطبخ ع انستغرام!

إذا بعدكن ما تعرّفتوا ع حساب Mama De Popo وتضحكتوا من قلبكن، صار الوقت نخبركن عنو!

هالحساب اللطيف على إنستغرام بيجمع بين الطبخ، العيلة، والضحكة الحلوة. ورا هالحساب في سيبال حداد، أم لبنانية بتحب تطبخ مع ولادها الصبيان، وخاصة ابنها الطيوب ليام، المعروف بالشيف Popo!

ليام وخيّو راي بيعيشوا أجواء عفوية قدام الكاميرا: بيطبخوا، بيضحكوا، وبيقدّموا وصفات بسيطة وسهلة… وكلّها مهضومة متلن! بتحسّوا حالكن قاعدين معن بالمطبخ، خاصة كيف سيبال بتتفاعل مع ليام ونهفاتو. شوفوا هون كيف عم يحضّر نمورة:

بهالفيديو، ليام عم يحضّر هوت شوكولا… بس “مسقعة”، وبطريقة بتضحّك وبتشهي!

وبهالفيديو التاني، حضّر فروج بوصفة سرية، بس اللي سرق القلوب هو كيف كان عم ينضّف الفروج ويدّهنو بالتتبيلة، بشطارة وخفة دم ما بتنوصف:

وهون بيعملوا براونيز بـ5 دقايق مع خيّو راي، وكلّو نكت وضحك وحركات مهضومة من التنين!

هالعيلة مش بس بتطبخ… هي عم تنشر طاقة إيجابية وبتفرجي قدي فينا نخلق لحظات وذكريات حلوة من أبسط الأشيا. إذا بدكن تبتسموا، تتعلّموا وصفات طيبة، وتعيشوا كم دقيقة هضامة… فوتوا ع mama de popo وخلو كل فيديو يضيف فرحة زغيرة لنهاركن ❤️

شوفوا كمان، هيدا الشيف الزغرتاوي انشهر بوصفاتو بنص الطبيعة!