من فوق الجسر الطاير… عرض زواج خيالي بجبل الأربعين!

بمشهد ساحر ومنظر بيحبس الأنفاس، تقدّم شاب لبناني بطلب الزواج من حبيبتو على قمّة جبل الأربعين بشمال لبنان، وتحديدًا من فوق الجسر الخيالي! حضروا هون: 

الثنائي قرّروا يكتبوا فصل جديد من قصّتن الرومانسية، ويعيشوا هاللحظة المميّزة قدّام مشهد طبيعي بيخلّي القلب يدقّ أسرع، وكأنو حلم عم يتحقّق.

الورد، التزيين، والـ set-up الرائع كان من تصميم المصممة رولا (فيكن تتابعوها من هون)، وشوفوا كواليس هاللحظة الخيالية بهالفيديو:

الجسر هوي من أشهر معالم الضنية، موجود على ارتفاع 300 متر، مصنوع بالكامل من القزاز الشفّاف، وبيمتد حوالي 20 متر بالهوا، كأنو معلّق بين السما والأرض!

 هو وجهة مفضّلة لعشّاق المرتفعات والمغامرة، وكتار بيقصدوه ليعيشوا تجربة استثنائية، خصوصًا وقت الغروب، لما المشهد بيصير عنجد ساحر. وبيضم كمان منصّة للقفز المظلّي (paragliding)، يلي بتزيد سحر المكان وبتحوّل التجربة لشيّ ولا أروع.

العرسان قرّروا يوثّقوا لحظتن من فوق، قدّام منظر خلاب بيطلّ ع كل الشمال اللبناني. جبل الأربعين عم يتحوّل لمقصد سياحي فريد، مش بس للمغامرين، بس كمان لكل حدا حابب يعيش لحظة ما بتنتسى… متل هيدا الثنائي يلي بلّشوا قصتن من فوق الغيم.

شوفوا كمان

بالفيديو: عرض زواج تحت المي بلبنان!