مطعم عم يقدم أكل ببلاش؟ شوفوا كيف ووين!

عبالكن تاكلوا ببلاش؟ العروض الحلوة والمميزة ما بتجي كل يوم، و مطعم مليكة بالحدث قرّر يكسر كل التوقعات. من 15 لحد 30 آب، كل يوم، عندكن فرصتين تروحوا وتاكلوا أطيب الأكلات مجاناً!

الموضوع بسيط: في وقتين للعرض بين 1 و3 بعد الضهر، أو بين 6 و9 المسا. العرض مخصص للعائلات والـ couples حتى تتعرفوا ع المحل وتعيشوا لحظات طيبة وسفرة عامرة مع ناس يلي بتحبوهن من دون ما تدفعوا ولا ليرة. كل شخص بيطلعلوا طبق واحد مجاناً وعندن كتير خيارات بتشهي.

القعدة بمطعم مليكة مريحة والمنيو بتناسب كل الأذواق. بتحبوا الـ fast food؟ عندكن برغر، فرايز، و دجاج كرسبي بيقرمش آخر قرمشة.

إذا إنتو بالمود للأكل عالمي، فيكن تختاروا بين السلمون والستيك والمقبلات المتنوعة والسلطات الغنية. عشّاق السناكات؟ بتلاقوا مختلف أنواع السندويشات يلي بتحبوها.

وكمان ما مننسى المشاوي اللبنانية على أصولها: لحمة، كفتة، شيش طاووق، دجاج ع الفحم، وغيرو.

شو ناطرين؟ هيدي مش فرصة بتتكرر! لمّوا العيلة أو خدو الشخص الغالي على قلبكن، وروحوا دغري عند مطعم مليكة قبل ما تعجق!

📍 العنوان

بالقرب من جسر صفير،الحدث، بيروت

⏰ الدوام

كل يوم من الـ12 الضهر لـ 12 بالليل

📞 التواصل

الرقم: 855 030 03 – 043 929 76

ما تنسوا تابعوا حسابن ع انستغرام للمزيد هون. 

حبيتوا المقال؟ شوفوا كمان:

الأكل الزايد بالمطعم مش للكب…صار فيكن تطلبوه وبنص السعر ببيروت!

LastBite، تطبيق لبناني مستوحى من مبادرات عالمية ناجحة متل Too Good To Go ببريطانيا، فرنسا، وأمريكا، وهلّق صار دور لبنان يجربها.