بدكن طوابع بلبنان؟ صار فيكن تشتروا من Spinneys!

إذا كنت بحاجة لطابع رسمي لمعاملاتك، ما بقى تفكر مرتين، أقرب Spinneys صار العنوان الجديد! الطابع الرسمي صار فيكن تشتروه بسعره الرسمي لأنو صار متوفر بفروع Spinneys بلبنان!

يعني ما بقى في داعي تدورو عليه بالمراكز أو تنطروا الدور، خصوصاً إنو صار فيكن تلاقوه بسهولة من Eezee Kiosk الموجود  بفروع الحازمية، جناح، إليسار، ضبية، جبيل، طرابلس وصيدا.

بدل ما تضيعوا وقتكن عم تبرموا بالمراكز الرسمية وبالآخر يطلع “ما بقا في طوابع”، فيكن هلّق تمرّوا ع أقرب Spinneys وتشتروا الطابع بنفس السعر يلي محددتو الدولة، بلا زيادة ولا استغلال.

نحنا منعرف ببلدنا إنو كل فترة بيصير في أزمة طوابع، الخطوة هيدي إجت لتسهّل حياة الناس وتخلّي الطابع الرسمي متوفر للكل.

حبيتوا هالمقال؟ شوفوا كمان:

وداعاً لطوابير النافعة … هيك صار فيكن تخلصوا معاملاتكن!