بنت لبنانية بدها تخلّي سناك بيّها مشهور… خلونا ندعمها!
إذا في شي منحب نعملو، فهو دعم المشاريع المحلية. صادفنا فيديو على تيك توك لبنت لبنانية @angelinamoarbes__ كاتبة فيه: “اليوم المحاولة الأولى لأعمل سناك البابا مشهور ع تيك توك”.
بعد ما عملنا شوية بحث، اكتشفنا إنه بيّها عندو Don Louis بزوق مصبح، محل سناك صغير ومرتب بيقدّم ساندويشات وبرغر بيشهوا.
عنجد منحسّ إنو محلات متل Don Louis مثالية لما تكونوا جوعانين للآخر وبدكن شي الكل بيحبو. لما يجي عبالكن ع سندويش روستو، أو شوية سجق، أو أكتر دجاج كرسبي مقرمش ممكن تدوقوه… ما في شي بيرضيكن قد سناك لبناني أصيل.
في حدا تاني مشتهي ساندويش فرنسيسكو كلاسيكي أو بس نحنا؟
ولمحبي المشاوي، كمان عندن صحون مشاوي بتفتح النفس، وعرايس بتجنّن.
إذا صادف وكنتوا مارقين بزوق مصبح أو طالعين سهرة بالمنطقة، ما تنسوا توقفوا عند Don Louis وتدعموا هالسناك الحلي. كلنا منتفق إنو أحلى شي تعملو بعد سهرة مع رفقاتكن هو تلاقوا سناك لبناني وتنبسطوا بمأكولات بتريح النفس.
للمزيد من المعلومات، تأكدوا من متابعة حسابن ع الإنستغرام والتيك توك! بيفتحوا من الاثنين للسبت، فيكن تلاقوا الموقع بالتحديد هون. ألف صحة!
لمزيد من المحتوى متل هيدا، شوفوا قسم #ادعم_المحلي على موقعنا.
