مصور لبناني يكشف الحياة البرية بلبنان بطريقة ما شفتوها قبل
سامي لقيس شاب لبناني صار مؤخراً نجم صاعد على السوشال ميديا بفضل شغفه الكبير بالتصوير البري وحبه للطبيعة اللبنانية. عدسة كاميرته بتاخده على كل زاوية وجبل وغابة حواليه! هدفه يوصل للناس جمال الحياة البرية اللي حوالينا بس قليل منّا بيعرف عنها. فيديوهاته عم توصل لآلاف، وعم تعطي صورة مختلفة عن لبنان ما منشوفها كل يوم.
لبنان بلد صغير بس مليان تنوع طبيعي: من جبال مغطّية بالتلج وغابات أرز عريقة، للشواطئ الرملية ع البحر المتوسط. هالتنوع هو جنة لكل محبي الطبيعة… بس بنفس الوقت بيخلي مهمة سامي صعبة مع إهمال الدولة.
سامي عارف التحديات منيح: تدمير المواطن الطبيعية، التلوث، والصيد غير القانوني كلها تهديدات مباشرة للحياة البرية. ومع هالشي، هو مصمم يوثق أجمل اللحظات البرية اللي بيقدر يلاقيها، من الحيوانات الصغيرة على الأرض والزواحف للطيور النادرة وحتى الدلافين بالبحر.
اللي بيخلي سامي مميز هو العين اللي بتشوف التفاصيل: كل حركة صغيرة للحيوان، كل لحظة طبيعية صادقة، بتوثّقها عدستو بطريقة بتخلي المشاهد يحس كأنه بالغابة معه. الصور يلي بينشرها مش بس حلوة، هي كمان قصة عن حياة لبنان البرية وأديه مهم نحميها.
لكل محبي الطبيعة والتصوير، متابعة سامي لقيس مش بس رح تفرجيكن صور رائعة، كمان رح تعلمكن احترام الطبيعة، وكيف كل لحظة برية إلها قيمتها.
دعمو اليوم عبر حسابه هون وخلينا كلنا نكتشف جمال لبنان البري من عيون سامي.
