ترند كورنفلكس كيك بهالمحل… كيكة السعادة لرمضان!
إذا بعد ما جرّبتوا كورنفلكس كيك عند Choco Crepe بالأشرفية، راح عليكن كتير! هالكيك صارت ترند قوي خاصةً برمضان، وكل يوم عم تكون الحلو الأكتر طلباً بالمحل.
خلونا نخبركن شوي عن كيك السعادة. الطبقة الأولى هي شوكولا كيك غنية وطريّة بتذوب دوبان، وفوقها طبقة موس شوكولا كريمي ودسمة بخلي الطعمة أغنى. ومن فوق، طبقة كورنفلكس مقرمشة مخلوطة بشوكولا بلجيكية فاخرة، عاملين توازن رهيب بين الطراوة والقرمشة. بيجي معها صوص فانيلا بيعمل مزيج طعم ما بينوصف!
شوكولا تقيلة وغنية، مع قرمشة خفيفة، وصوص فانيلا بيجمع كل المكونات سوا بتناغم. الكيك يلي رح تخليكن تسكروا عيونكن وتتلذذوا بكل كدشة.
وإذا مفكّرين إنو هيدا أول ترند بيعملوه المحل، أكيد لا! Choco Crepe معروف بإبداعاته، وكل فترة بيطلع بشي جديد بيكسّر الدني لدرجة فيديوهاته بتحصد فوق 100 مليون مشاهدة.
من أشهر ابتكاراتن كرواسون الشوكولا المغرّقة بكريمة الفستق وصوص الفانيلا وكمان برغر الشوكولا مع لوتس، يلي كمان عملت ضجة كبيرة وصارت مطلب أساسي لعشاق الحلويات.
إذا ناويين تجرّبوا كورنفلكس كيك، دقّوا واحجزوا قبل بوقت ع الرقم 434 447 70 لأنو الطلب عليها كبير! ما تنسوا تابعوهن ع انستغرام هون. المحل عندو فروع بالأشرفية، جب جنين، وكسارة البقاع.
