كميون الحب…شاحنة لتوزيع الأكل والأدوية لأهلنا النازحين
سمعتوا بكميون الحب أو بعد؟ كميون الحب مش بس مبادرة، هو رسالة محبة وعطاء عم توصل لأهلنا النازحين ببيروت. المؤثر حسن رعد كان ورا هالفكرة، وكان عنده رغبة حقيقية يساعد الناس اللي تهجّروا من بيوتهن. نشأت هالمبادرة من جهود فردية وتبرعات شخصية.
فكرته بسيطة: شاحنة مليانة مساعدات، من مواد غذائية أساسية لمستلزمات شخصية متل محارم وفوط، وحتى حرامات للولاد. كميون الحب متل دكانة متنقلة بتوصل لعند الناس ببلاش، وهدفها تخفف عنهن شوي من صعوبات النزوح إن كان بالخيم أو بالمدارس.
وما وقّف هالشي هون، كل يوم فكرة جديدة. نهار بيكون توزيع فواكه وخضرة طازة، نهار بيكون توزيع خيم وشنط للناس. مرة تحولت الشاحنة لصيدلية متنقلة، فيها كل الأدوية الضرورية، الحفاضات، الفوط، الحليب، وكمان صيدلي جاهز ليساعد الناس.
وبالعيد، كميون الحب ما نسي حدا، بعيد الفطر وزّعوا ألعاب للولاد، وبعيد الأم هدايا للأمهات. أجمل شي بهالمبادرة إنو فكرة صغيرة صارت موجة محبة عم تلمس قلوب الكل وترسم بسمة ع وجوه الناس.
فينا نقول إ٫و أكتر شي وزّعوه هيدا الكميون هو الحب! ❤️
كل حدا بيقدر يشارك، سواء بالتبرعات أو بالتطوع عبر OMT أو Whish ع الرقم: 153 350 71
