لقينالكن أطيب مطعم صيني بقلب عاليه!

لما حدا يحكي عن عاليه، أول شي بيخطر عبالكن هو المطاعم اللبنانية والقعدات الحلوة. بس إذا كنتوا من محبّي الأكل الصيني، في محل عم يلفت الانتباه وصار وجهة بحد ذاته. بشارع بيسين، بتلاقوا WASAI، مطعم عصري بيقدّم أطباق صينية أصيلة مع تشكيلة من أشهر المأكولات الآسيوية، وعم يضيف نكهة جديدة ومميّزة على جو الجبل.

أطباق لازم تجربوها بـ WASAI

إذا هيدي أول زيارة لإلكن، بلّشوا بالـ Dynamite Shrimp. قريدس مقرمش مع صوص غني وطيب، هيدا النوع من المقبلات يلي الكل بيصير بدو يدوقها، فما تستغربوا إذا لقيتوا حالكن طالبين صحن تاني.

أما إذا بدكن طبق رئيسي، ما في ألذ من القريدس الsweet and sour. القريدس المقرمش مع الصلصة الغنية بيقدّم مزيج متوازن بين الحلاوة والحموضة، وبيعطيكن طبق مليان نكهة، خفيف، ولذيذ من أول كدشة لآخرها.

ولعشّاق السوشي… في مفاجأة

من أكتر الشغلات يلي بتميّز مطعم WASAI إنو كمان بيقدّم أطباق Sushi Bell. يعني فيكن تستمتعوا بالأكلات الصينية يلي بتحبوها، وبنفس الوقت تطلبوا من أشهر رولز سوشي وتشاركوها مع الكل ع الطاولة.

وهيدا الشي بيخلّيه خيار مثالي إذا كنتوا جمعة أصحاب، خاصةً إذا كل واحد عبالو شي مختلف. فيكن تنوعوا بين الأطباق الصينية والسوشي الطازة بنفس القعدة، وكل حدا بيدوق اللي بيحبه.

غير إنو عاليه من أجمل الوجهات بالصيف، WASAI بيعطيكن سبب جديد تطلعوا عالجبل. وإذا ناويين تتمشّوا وتستكشفوا المدينة، خلّي العشا عندن، خاصةً ع وقت الغروب، لأن الإطلالة بتكون ولا أروع وبتكمّل التجربة.

لمعلومات أكتر، تأكدوا تزوروا صفحتهن على إنستغرام!

📍 العنوان

شارع البيسين، عاليه

اكبس هون للموقع بالتحديد.

⏰ الدوام

بيفتح يومياً من الساعة 12 الضهر لغاية 11 بالليل

📞 للتواصل

الرقم: 031 830 81 – 556 555 25

شوفوا كمان:

أجمل 55 محل تتفرجوا ع غروب الشمس بكل لبنان