كافيه ومحل ورد بمكان واحد؟ هيدا السرّ المخبّى براس النبع

إذا بعدكن عم تفتّشوا على مطرح هادي ومميّز ببيروت، لازم تزوروا Maison des Roses. هالمكان جوهرة مخباية بقلب راس النبع، وبتجمع بين الكافيه ومحل الورد بطريقة ساحرة بتخلّي زيارتها تجربة مش متل أي مطرح تاني.

من أوّل ما تفوتوا، رح يلفتكن الديكور الملوّن والرومانسي؛ الورود معبّية كل الزوايا، والتفاصيل الكلاسيكية بتعطي جوّ دافي كأنكن ببيت أوروبي صغير. سواء رايحين مع الشريك، الأصحاب، أو حتى لحالكن لتشتغلوا أو تقروا كتاب ع رواق… الجوّ هونيك بيحملكن لغير عالم.

غير باقات الورد وتنسيقاتها الروعة، فيكن تلاقوا كيكات للمناسبات أو تختاروا هدية لأي شخص بتحبّوه.

وأكيد القهوة إلها قصّة تانية!

المنيو فيها خيارات أوريجينال وخاصّة بالمحل، متل: ماتشا ع ورد، لاتيه ع لافندر، موكا بلوبري هذا غير تشكيلة واسعة من المشروبات المميّزة يلي الكل بيحبها.

وما فيكن تضهروا بلا ما تجرّبوا الحلو!

من التيراميسو الغني، للتشيزكيك، للـ Chocolate Fudge Cake… كل لقمة بتكمّل فنجان قهوتكن.

فوق كل هيدا، المحل بيستضيف من وقت للتاني ورشات وجمعات خاصة، ليصير أكتر من بس كافيه… هو مساحة حلوة للّقاءات والمناسبات الصغيرة.

إذا بعد ما اكتشفتوا هالزاوية المخفيّة براس النبع، صار الوقت! سواء جايين تروّقوا راسكن بفنجان قهوة، تنقّوا باقة ورد، تحتفلوا، أو بس تقضّوا وقت حلو بجو مختلف… Maison des Roses بيستاهل الزيارة.

📍 العنوان:

شارع عمر بن خطاب، راس النبع – بيروت. اكبسوا هون للموقع بالزبط وين.

🕘 الدوام:

من الإثنين للسبت (9:30 ص – 9:00 م)

الأحد: حسب الحجز المسبق (من 6:00 م لـ 10:00 م)

📞 للتواصل:

الرقم: 733 809 03

تابعوهن ع انستغرام هون للمزيد. 

شوفوا كمان:

إذا بتحبوا سهرات الجنينة، هالمكان الجديد ببيروت إلكن