ماركة NARS العالمية رح تفتح أول فرع إلها بلبنان

الظاهر إنّو ABC الأشرفية رح تستقبل ماركة مكياج عالمية قريباً! لافتة «Coming Soon» تبع NARS صارت موجودة بالمحل، وشكلو إنّو الماركة رح تفتح أول محل رسمي إلها بلبنان!

مع إنو بعد ما أعلنوا رسميًا عن موعد الافتتاح، بس وجود اللافتة لحالو خلّى محبّي المكياج يتحمّسوا. NARS من الماركات المحبوبة كتير، خاصةً بمنتجات الوجه و بلاشر يلي اشتهرت فيها.

رح تنضمّ NARS لماركات مكياج موجودة بـ ABC، منها بسام فتوح، سامر خوزامي، Dior وغيرهن.

لمحبّي الجمال بلبنان، كانت منتجات NARS صعب نحصل عليها، يا إمّا نشتريها من محلات بتجيبها من برا، يا تطلبوها أونلاين من الخارج، أو تفتّشوا على بدائل بتشبهها. بس لما يفتتحوا محل NARS بـ ABC، رح تصير الماركة أقرب وأسهل، ورح تقدروا تشوفوا مجموعتها وتجربوا منتجاتها عن قرب.

خبرونا، متحمسين لأول محل رسمي ل NARS بلبنان؟

شوفوا كمان:

SBRANDS، “سيفورا لبنان”، رح تفتح فرع جديد ببيروت