١٠ مطاعم فيك تطلب منها طبق يومي بلبنان
كتير أوقات خلال ساعة الغداء بالشغل بتشتهي لقمة طيبة لتغير شوي عن الوجبات السريعة والديليفري، لذلك هيدي ١٠ مطاعم بتقدم طبق يومي بشهي وبوصلوا عالمكتب أو عالبيت.
١. مطعم لو شيف
هيدا المطعم الصغير الأصيل والمتخصص في المطبخ اللبناني عندو أرخص الأسعار وأسرع خدمة.
٢. ة مربوطة
مش بس عند طبق يومي، كمان قعدته لذيذة.
٣. باتشيج
الطبق اليومي عند باتشيج إلو نكهة مميزة، فهو بيتخصص بالأكل الأرمني.
٤. كوزين إم جورج
بالنسبة للمطبخ اللبناني الكلاسيكي مع لمسة عصرية، لازم تجربوا كوزين إم جورج.
٥. بو ملحم
مطعم كبير وقعدته حلوة، بس للي مش قادر يزورو خلال دوام العمل يطلب من ليستة الاطباق اليومية وبيوصلوا لعندو ديليفيري.
٦. سقراط
مين ما بيعرف سقراط والكيتيرينغ؟ بس مش ضروري تنطروا المناسبات لتجربوا أكلن، اطلبوا وصحتين.
٧. الحلبي
مطعم لبناني مشهور ومعروف بلقمته الطيبة، كمان بقدم طبق يومي.
٨. ديوان
غير المشاوي الغير شكل عند الديوان, كمان بتلاقوا هون اطباق يومية ما بتنعمل وين ما كان متل الفوارغ وفتة المقادم.
٩. لا طبخة
من وقت ما تأسس هالمطبخ سنة ال-٢٠٠٣، دغري انشهر اسمو وصار معروف لأطباقه اليومية.
١٠. Curli-Q
بالمبدأ هيدا المحل متخصص بالحلويات والكيك يس كمان صار عم بحضر اطباق يومية. جربوها وتحلوا دغري من بعدها.
