الحوش بالبقاع: بيت ضيافة ولا أحلى

تعرّفوا على «الحوش»، مزرعة وعقار بجنّن تحوّل إلى دار ضيافة مميزة بسهل البقاع، ومن منطقة رياق الجميلة.

المكان بيقدّم مجموعة من النشاطات. منها رحلات المشي، نزهة بالجنينة، ركوب دراجات، وورش عمل زراعية، يعني في دايمًا شي تعملوه و تكتشفوه خلال نهاركن.

والحلو بالحوش إنو كل موسم إلو نكهته الخاصة. فيكن تعيشوا تجارب مرتبطة بالمحاصيل والمواسم الزراعية! متل قطف المشمش والخوخ، مهرجان اللافندر بشهر حزيران، حصاد البطاطا بشهر تموز، مهرجان الورد بشهر أيار، وقطف الزيتون بشهر تشرين. يعني كل زيارة ممكن تكون مختلفة عن التانية، بحسب الموسم والوقت اللي بتختاروا تروحوا فيه.

وعلى أرض المزرعة، رح تلاقوا كمان أنواع مختلفة من الحيوانات! وهيدا الشي بيزيد من جمال التجربة وبيخلّي المكان مناسب خاصةً للعيل ولكل شخص بيحب يقضي وقت بالريف.

أما إذا قررتوا تقضوا الليلة، الحوش عنده 14 غرفة مميزة ومرتبة، لتقضوا إقامة مريحة وهادية من قلب المزرعة.

فيكن تستمتعوا بالترويقة بالجنينة وسط أجواء المزرعة، وتاخدوا وقتكن قبل ما تبلّشوا نهاركن.

ومن الأشيا المميزة بالحوش كمان إنكن رح تتعرّفوا على الناس اللي بيشتغلوا بالعقار وبتعيشوا جزء من يومياتهن، وبتتعلّموا منهن عن الزراعة، المواسم والحياة بالمزرعة. هيدا التواصل بيخلّي التجربة شخصية وأقرب، وبيعطيكن فرصة تكتشفوا جانب مختلف من الحياة الريفية بلبنان.

وبالصيف، فيكن كمان تستمتعوا بالمسبح وتقضوا وقت حلو بين السباحة، التشميس، وجو المزرعة.

ما تنسوا تابعوهن ع انستغرام هون.

للحجز ع الرقم: 1662 563 (855) 1+

شوفوا كمان:

قعدة جنينة وبركة ميّ بهيدا الكافيه بالمدينة!