١١ فرقة لبنانية بيستاهلوا تسمعوهن هل صيفية
في كتير شباب موهوبين، وكرمال هيك قررنا ندعم موهبتن ونسمعكن أحلى اغانيهن!
١. أدونيس
أدونيس فرقة لبنانية تألفت بسنة ٢٠١١ وبتقدم أغاني لبنانية بنكهة مميزة وأبسط الكلمات وأجمل الألحان.
٢. إيام الليرة
إيام الليرة فرقة لبنانية مألفة من شباب موهوبين بقدموا موسيقى لبنانية بنكهة شرقية وعود وطبلية، بترجعنا على إيام بيروت الحلوي والزمن الجميل.
هادي ضو وفرقتو من أشهر الفرق المحلية لي بقدموا موسيقى شرقية وأجمل الأغاني القديمة والجديدة وعندن أغاني خاصة كمان.
جورج نعمة وفرقتو من أشهر الفرق كمان، بقدموا موسيقى شرقية بنكهة رحبانية مية بالمية.
بلش على البزق مع جورج نعمة وفرقتو وبرزت موهبتو المميزة وصار عندو فرقتو الخاصة بتقدم موسيقى شرقية وأغاني خاصة ومعروفة.
٦. قرنبيط
قرنبيط فرقة لبنانية مهضومة كتير بقدموا أغاني لبنانية وأجنبية بنكهة غجرية. بكفي إسم الفرقة شو مهضوم!
٧. حرقت كارت
مش كل أعضائها لبنانية لكن بتقدم أجمل مزيج بين الأغاني اللبنانية والعربية والأغاني الأجنبية بنكهة رومانسية ساحرة.
٨. دوكاه
إذا انتو من محبي الجاز، ضروري تتعرفوا على هل فرقة المميزة! هي مزيج من الجاز مع نكهة لبنانية.
٩. مين
تألفت سنة ٢٠٠٦ وبتطغي عليها موسيقى الروك وبتتحدث عن الواقع اللبناني بطريقة ساخرة.
تأسست عام ٢٠١٠ ومن أبرز أعضاءها نادر منصور وإدي غصين وبيطغى عليها طابع الروك.
١١. مزيج
ختامها مسك مع مزيج لي هي فرقة لبنانية مميزة بوجوه شابة وموهوبة، بقدموا أغاني لبنانية مشهورة وقديمة وحتى أغاني المسلسلات بطريقة كتير حلوى، وعندن أغاني خاصة.
