بتعرفوا معنى هالعبارات الزغرتاوية؟

بس نسمع اللهجة الزغرتاوية منلاقيها مهضومة كتير ومنصير نفكر بكل كلمة ونجرب نحزر معناتها، لهيك قررنا اليوم نعرفكن على أكتر عبارات بقولوها أهالي زغرتا بحياتن اليومية ونفسرها. ١. دين موتاك: محطة كلام بس الزغرتاوي يعصب ما في ما يقولها وبتطلع كتير مهضومة منو ٢.حق سيدة زغرتي: كمان محطة كلام، يعني بدكن تعتبروا كل خمس ثواني بدن يقولوها ليرتاحوا نفسياً ٣. لفة: سامعين باللفة؟ هاي يعني ساندويش تبع أهل بيروت ٤. يقربني ربك: بس يحبوا حدا كتير بصيروا يتغزلوا في بهل طريقة ٥. خيو وخيتو: ما رح تسمع زغرتاوي عم بقول يا خيي، بقول يا خيتي ويا خيتو ويا خيو وتعتبر كمان محطة كلام ٦. موتاك، معقولة: هايي إذا صار شي كتير بعصب بصيروا يقولوها الزغرتاويي ٧. يخليلي قلبك: كمان محطة كلام وأكتر شي بقولوها بس يكون بدن خدمة من شي حدا ٨. عيوقة: بنت حلوة ومهضومة ومهذبة ٩. زغرتي: الزغرتاوي ما بقول زغرتا، بقول زغرتي ١٠. يا مو: محطة كلام غريبة عجيبة ١١. ليتا سيدة زغرتي ترضى عأهلك وتروب موتاك: بس يكون الزغرتاوي راضي عنك توقع تسمع هل جملة ١٢. الله والملكوت وسيدة زغرتي: بس ينفعلوا ما فيهن ما يشقعوا حكي ورا بعضو بس ولا أهضم من هيك ١٣. يا إخوات الشليتة: مسبة على الناعم بس بتطلع مهضومة منن